Հյուսիսային Կորեան պաշտոնապես հայտարարել է միջուկային սպառազինությունների փորձարկան մասին

Կորեայի ժողովրդա-դեմոկրատական հանրապետությունը պաշտոնապես հայտարարել է միջուկային սպառազինությունների երրորդ փորձարկման մասին: ԿԺԴՀ-ի կենտրոնական հեռագրային գործակալությունը երկրի զինված ուժերին է փոխանցել հրամանատարության հաղորդագրությունն այն մասին, որ բարձր մակարդակով կազմակերպվող միջուկային փորձարկումները և հրթիռների հերթական արձակումները ուղղված են Փհենյանի ոխերիմ թշնամի ԱՄՆ-ի դեմ:

Փորձարկումների ժամանակաշրջանը չի ճշգրտվել: Հյուսիսային Կորեան անցկացրել է 2 միջուկային փորձարկություն՝ 2006թ. և 2009-ին:

Հիշեցնենք, որ չորեքշաբթի օրը ՄԱԿ-ի ԱԽ-ի կողմից Կորեայի ժողովրդա-դեմոկրատական հանրապետության նկատմամբ դատապարտող բանաձևերի ընդունումից հետո Փհենյանը հայտարարել էր, որ մեծացնելու է իր ռազմական կարողությունը և շարունակելու է իր միջուկային ծրագրերի մշակումը:

Հայտարարությունն արվել էր ՄԱԿ-ի ԱԽ-ի ընդունած որոշումից հետո՝ ընդարձակել Հյուսիսային Կորեայի նկատմամբ տնտեսական պատժամիջոցների կիրառումը:

Երեքշաբթի օրը ՄԱԿ-ի Անվտանգության խորհուրդը դատապարտել էր ԿԺԴՀ-ի կողմից արբանյակային հրթիռ արձակելու քայլը: Ենթադրվում էր, որ հրթիռը կարող է զինված լինել միջուկային զինամթերքով:

Հյուսիսային Կորեայի ղեկավարությունը հայտարարել է, որ հրթիռը պարզապես տիեզերական արբանյակ էր ուղարկել ուղեծիր: