Սիրիական կործանիչները ռմբակոծել են Դամասկոսի մոտ գտնվող ընդդիմադիրների ճամբարը

Սիրիայի ռազմական ինքնաթիռները ռմբակոծել են Դամասկոսի մոտ գտնվող ընդդիմադիրների ջոկատները: Բաշար Ասադի ուժերը պայքարում են ընդդիմադիրների դեմ, որպեսզի վերջիններս լքեն այն ճանապարհը, որը կապում է Դամասկոսը միջազգային օդանավակայանի հետ: Այս մասին նշում է Associated press լրատվական գործակալությունը: 

Սիրիայում գործող մարդու իրավունքների բրիտանական կենտրոնը նշել է, որ կործանիչները 8 օդային հարձակում են գործել Դամասկոսից հարավ-արևմուտք ընկած Դարայա արվարձանում: 

Խումբը նաև նշել է, որ ծանր մարտեր են տեղի ունենում նաև կառավարական ուժերի և ընդդիմադիրների միջև Դամասկոսի միջազգային օդանավակայանի մոտ, ինչպես նաև հրետանային հարձակումներ Աքրաբա քաղաքում օդանավակայան տանող ճանապարհի մոտ: