Գերմանիայում կբացվեն Femen շարժման մասնաճյուղներ

Գերմանիայում կբացվեն ուկրաինական Femen կազմակերպության մասնաճյուղեր: Այս մասին հայտնում է Сегодня-ն:

Ինչպես նշվել է կանանց շարժման մամլո ասուլիսի ժամանակ, Ուկրաինայից Գերմանիա են ժամանել փորձագետներ, այդ թվում՝ շարժման հայտնի մասնակից Ալեքսանդրա Շևչենկոն: Շարժման կենտրոններ կբացվեն Գերմանիայի մայրաքաղաք Բեռլինում և նավահանգստային քաղաք Համբուրգում: Շարժումը ցանկություն է հայտնել բացել իր մասնաճյուղերը` ենելով այն հանգամանքից, որ Գերմանիայում շատ աղջիկներ ցանկացել են անդամագրվել շարժմանը և սեռական պատերազմ վարել եկեղեցիների և այլ միջնադարյան հաստատությունների դեմ: 

FEMEN Germany-ն երրորդ ազգային FEMEN խմբավորումն է Ուկրաինայի և Ֆրանսիայի FEMEN խմբավորումներից հետո: Պլանավորվել է շարժման մասնաճյուղեր բացել Բրազիլիայում, Թունիսում և Ամերիկայում: