«Մասթեր» դասընթացներ ճարտարապետական վերականգնման ոլորտի նախագծողների համար
Գիտություն և Մշակույթ
2013 թ. փետրվարի 4-ից մինչև 2014 թ. փետրվարի 4-ը, Երևանի ճարտարապետության և շինարարության պետական համալսարանում հայ-իտալական համագործակցության շրջանակներում կկազմակերպվեն «մասթեր» դասընթացներ ճարտարապետական վերականգնման ոլորտի նախագծողների համար: Դասընթացները կվարեն Միլանի պոլիտեխնիկի դասախոսները՝ հայ դասախոսների հետ:
«Մասթեր» դասընթացներին կարող են մասնակցել ճարտարապետության, քաղաքաշինության, մշակութային արժեքների պահպանության և վերականգնման ոլորտներում բակալավրի, դիպլոմավորված մասնագետի կամ մագիստրոսի որակավորում ունեցող անձինք:
Դասընթացի շրջանակներում նախատեսվում է ուսումնական ճանապարհորդություն Իտալիա:
Դասընթացին մասնակցել ցանկացողները պետք է ներկայացնեն ինքնակենսագրություն, ինչպես նաև լրացնեն «Նախագծում ճարտարապետական վերականգնման ոլորտում» I մակարդակի համալսարանական «մասթեր» կամ «Ճարտարապետական վերականգնման շինհրապարակի աշխղեկների համար» հայտաձևերը:
Հայտերի ներկայացման վերջնաժամկետը 2013 հունվարի 25-ն է: Ընտրությունը կկատարվի հանձնաժողովի կողմից:
Դասընթացն անվճար է:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
