Ղազախական տուն-ինտերնատի աշխատակիցների մերկապարը (տեսանյութ)
Աշխարհ
Ղազախստանի Շըմքենդ քաղաքի պատանեկան տուն-ինտերնատի սաները մեղադրել են աշխատակիցներին անհարիր վարքի մեջ։ Ղազախական КТК հեռուստատեսությունը հայտնել է, որ երեխաները պնդում են, թե տուն-ինտերնատի ճաշարանում բազմիցս կազմակերպվել են երեկույթներ, որոնց ընթացքում աշխատակիցներն ալկոհոլ են օգտագործել, իսկ պարելիս՝ մերկացել։
Հեռուստատեսությունը ցուցադրել է տեսանյութ, որում ներկայացված են կադրեր, որոնք, ամենայն հավանականությամբ, նկարել է ինտերնատի աշխատակիցներից մեկը։ Դրանցում ինտերնատի գինովցած կին պահակը մերկացած պարում է, իսկ մնացածը՝ ծափ տալիս։
Ինտերնատի տնօրենի տեղակալ Զուխրա Նիշանովան ասել է, որ նկարահանումը կատարվել է ինտերնատի աշխատակիցների խնջույքի ժամանակ։ Խնջույքը կազմակերպվել է նոր աշխատակցի ընդունման առթիվ։
Հեռուստատեսությունը հայտնում է, որ հենց Նիշանովան է տեսանյութը տրամադրել լրագրողներին, ինչից հետո զրկվել է աշխատանքից։ Նշվել է, որ Նիշանովան հեռացվել է անբարո վարք դրսևորելու համար։ Այս մասին գրում է news.am-ը:
Տուն-ինտերնատի տնօրեն Սարբինազ Սուլեյմանովան հավաստիացրել է, որ իր աշխատակիցների պահվածքի մասին ոչինչ չի իմացել։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
