Կես դար հետո Իրանում պատմությունը կրկնվում է․ իրանագետ

Կես դար հետո, Իրանում պատմությունը կրկնվում է։ Այս մասին գրել է իրանագետ Տիգրան Դավուդյանը։

 

«ԻԻՀ-ի կենտրոնական իշխանությունների թուլացումով, քուրդ զինյալները Իրաքից և Թուրքիայից դեպի Իրանի քրդական շրջաններ կվերադառնան։ Նրանք տեղում ինքնավարություն կհայտարարեն և կձգտեն առաջին փուլում գոնե Իրաքի Քուրդիստանի հավասար ինքնիշխանություն ունենան։ Իսրայելն հատկապես այդ ուղղությամբ է աշխատում և երկու օր է ոչնչացնում է Իրանի արևմտյան սահմանների պաշտպանական դիրքերը` զորամասերը և բազաները, որպեսզի քուրդ արձակազենների համար ճամբա բացի։ Սպասվում են արյունալի բախումներ քուրդերի և պետական ուժերի միջև, նաև սուննի քուրդերի և շիա ազերիների միջև։ Իրանի քուրդերը զբաղեցնում են Քուրդիստան, Քերմանշահ և Իլամ Նահանգները և Արևմտյան Ատրպատական նահանգի մի մասը։ Վերջինում միշտ էլ կատաղի մարտեր է տեղի ունեցել քուրդերի և ազերի միջև, որովհետև երկուսն էլ այդտեղ տերիտորյալ հավակնություններ ունեն։ Քուրդերի առաջին ինքնավարության մայրաքաղաք` Մահաբադը, հենց Արևմտյան Ատրպատական նահանգում է գտնվում. գահընկեց արքան հենց այդ քաղաքի հրապարակում կախաղան հանեց ինքնավարության առաջնորդ Ղազի Մոհամադդին։ 1979 թ. հեղափոխության ժամանակ քուրդ֊ազերի բախումների ժամանակ հարյուրավոր զոհեր եղան։ Պարբերաբար խափանվում են նաև Իրանի սահմանային կետերի վերահսկիչ համակարգերը. դա օգնում է, որպեսզի Իրանի ընդդիմադիրները հեշտությամբ երկիր մտնեն։ Երևանում ԻԻՀ-ի դեսպանը երեկ իր հարցազրույցում հայտարարեց խափանման կետերից երկուսի մասին, որոնցից մեկը Մեղրիի անցակետն էր։ Խաղաղություն մեր հարևան երկրին»,– գրել է նա։