1794թ. հատված արծաթե դրամը վաճառվել է ռեկորդային 10 մլն դոլարով

ԱՄՆ-ում 1794թ. հատված առաջին մեկդոլարանոց արծաթե մետաղադրամներից մեկը Նյու Յորքում աճուրդի ժամանակ վաճառվել է 10 մլն դոլարով: Այն ձեռք էր բերվել հազվագյուտ դրամների վաճառքով զբաղվող Legend Numismatics ընկերության կողմից:

Արծաթե դրամի երեսին պատկերված է ազատությունը խորհրդանշող կնոջ գլուխ՝ արձակված մազերով: Դրամի արժեքը 2 անգամ գերազանցել է նախորդ ռեկորդը, երբ 4.1 մլն դոլարով 1999թ. գնվել էր մեկ այլ մետաղադրամ:

Legend Numismatics–ը նշում է, որ ընկերությունը պատրաստ է եղել վճարել շատ ավելի մեծ գումար այդ դրամի համար: