Արմավիրի մարզի բնակիչ 43-ամյա տաքսու վարորդը պնդում է իր անմեղությունը և սպասում Վճռաբեկ դատարանի արդարացի որոշմանը. Մանրամասներ

Shamshyan.com-ը գրում է.

Արմավիրի մարզի Ակնալիճ գյուղի բնակիչ, 43-ամյա Հրաչյա Եղիազարյանը չի համակերպվում այն մտքի հետ, որ վերաքննիչ դատարանը բավարարել է դատախազի միջնորդությունը, և հնարավոր է՝ որոշ ժամանակ անց կրկին կալանավորվի, եթե Վճռաբեկ դատարանը գործը վարույթ չընդունի։

SHAMSHYAN.com-ի թղթակցի հետ զրույցում Հ. Եղիազարյանը պատմել է, որ երկար տարիներ աշխատել է որպես տաքսու վարորդ։ Նրա խոսքով՝ 2023 թվականի հուլիսի 14-ին իրեն զանգահարել է ծանոթ Արմեն անունով անձը և առաջարկել մեկնել Մեղրի՝ ծաղկի սերմեր և վարդի տնկիներ բերելու։

«Ես սկզբում հրաժարվեցի, քանի որ հոգնած էի, սակայն նա ասաց, որ ճանապարհի կեսը ինքն է վարելու մեքենան։ Այդպես ճանապարհ ընկանք։ Ճանապարհի կեսից հետո խնդրեցի, որ ինքն վարի մեքենան, իսկ ես հետևի նստարանին քնեցի։ Մեղրի հասնելուց հետո մեզ փոխանցեցին երկու սև պոլիէթիլենային տոպրակով փաթեթներ, որոնք տեղադրեցինք մեքենայի հետևի նստարանին, և շարժվեցինք դեպի Երևան։

Հետադարձ ճանապարհին նույնպես ես հետևի նստարանին էի և քնած վիճակում էի։ Սիսիանում հարվածի ձայն լսեցի։ Պարզվեց՝ ոստիկանության Սիսիանի բաժնի պետ Անտոն Անտոնյանը փորձել է մեզ կանգնեցնել քաղաքացիական մեքենայով և հագուստով։ Քանի որ Արմենը չի հասկացել, թե ով է կանգնեցնում, չի կանգնել, և տեղի է ունեցել բախում։ Դրանից հետո մեզ տեղափոխել են ոստիկանության Սիսիանի բաժին։ Ես վնասվածքներ ունեի, իսկ հետագայում պարզվեց, որ մեքենայում գտնվող պայուսակներում թմրանյութեր են եղել», — նշել է նա։

Մանրամասները՝ սկզբնաղբյուր կայքում