Մի՛ հոգնիր խնդրելուց և հավատալուց, այսօր Անիրավ դատավորի կիրակին է. Տեր Աբրահամ
Հրապարակումներ
Մի՛ հոգնիր խնդրելուց և հավատալուց։ Այսօր Անիրավ դատավորի կիրակին է։
Դաշտավանի Սբ. Աստվածածին եկեղեցու հոգևոր հովիվ Տեր Աբրահամ քահանա Մարտիրոսյանը գրել է․
«Ավետարանական այս առակը մեզ սովորեցնում է մի պարզ, բայց կենսական ճշմարտություն. «Պետք է ամեն ժամ աղոթել և չձանձրանալ» (Ղուկաս 18:1): Եթե նույնիսկ անիրավ ու անաստված դատավորը տեղի տվեց այրի կնոջ թախանձանքին և ի վերջո արդարություն արեց նրա համար, որքա՜ն առավել մեր Երկնավոր Հայրը, որն անհունորեն բարի է, կլսի մեզ և արդարություն կանի Իր զավակների համար։
Աղոթքը միայն բառեր չեն, այլ հոգևոր երկխոսություն, որը մեզնից պահանջում է համբերություն և հաստատակամություն։ Հաճախ մենք հուսահատվում ենք, երբ մեր խնդրանքներն անմիջապես չեն կատարվում, սակայն այս առակը հիշեցնում է մեզ, որ դուռը բացվում է միայն նրանց առաջ, ովքեր շարունակում են թակել։ Երբ թվում է, թե պատասխան չկա, հիշի՛ր այրի կնոջ անկոտրում կամքը, նրա հավատն ու հարատևությունը հաղթեցին նույնիսկ անտարբերությանը։
Թող այս կիրակին մեզ ուժ տա չհանձնվելու մեր բարի նպատակների մեջ և վերականգնի մեր վստահությունը Աստծո խնամքի հանդեպ։
Բարի և օրհնյալ կիրակի բոլորիս»։
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
