«Առավոտ». Ի՞նչ եք մտածում, երբ արտերկրում գումարներ եք մուրում

Երեկ «Առավոտի» հետ զրույցում անդրադառնալով դիտարկմանը՝ Հայաստանում Մեծ Բրիտանիայի դեսպանուհու բլոգային գրառումը
բուռն քննարկումների տեղիք տվեց, շատ ՀՀԿ-ականներ, այդ թվում նաև արտգործնախարար Էդվարդ Նալբանդյանը «ոչ կոռեկտ» անվանեցին, նրա քայլը որակեցին Հայաստանի ներքին գործերին միջամտել, արդյոք դա դիվանագիտական էթիկայի խախտո՞ւմ է՝ ՀՀ նախագահի թեկնածու, ԼՂՀ նախկին արտգործնախարար Արման Մելիքյանը ասաց.

«Ես դա դիտարկում եմ որպես շահագրգիռ տեսակետ արտահայտելու ձև: Ինչ վերաբերում է ՀՀԿ-ականների այդ բուռն արձագանքին՝ երբ իշխանությունը գումարներ է մուրում արտերկրում, չե՞ն մտածում, որ դրանով արտերկիրը միջամտում է Հայաստանի ներքին գործերին: Երբ այս իշխանություններին կոչ են անում ժուլիկությամբ չզբաղվեք սա հանկարծ վրդովմունք է առաջացնում: Թող ժուլիկությամբ չզբաղվեն: Այդ դեպքում նման գրառումներ, վստահ եմ, չեն լինի»: Թեթրը հետաքրքրվեց նաև՝ կիսո՞ւմ է նախագահի թեկնածուն տիկին դեսպանի մտորումները նախագահական ընտրությունների առիթով խորհրդարանական ընդդիմության որդեգրած մոտեցման առիթով:

Հիշեցնենք, որ այդ առիթով Քեթրին Լինչը նման հարցադրում էր արել. «Ֆինանսական խնդիրնե՞րը, թե՞ արդարարդյունքի նկատմամբ հավատի բացակայությունը, կամ գուցե այն, որ նրանք իրականում ընդդիմադիր կուսակցություններ չեն»: Արման Սելիքյանի կարծիքով՝ դրանք բավականին հիմնավոր մտահոգություններ են. «Առհասարակ, խորհրդարանական ընդդիմությունը բավականին ինքնամեկուսացվեց: Թեև ես կարծում եմ, որ խորհրդարանական ընտրությունները շատ յուրահատուկ ինտրիգ էին պարունակում: Ըստ էության, այս ընտրությունները թույլ տվեցին ՀԱԿ-ին զրկել ընդդիմադիր դաշտում մենաշնորհից, և դա բավական հմուտ կատարված գործողություն էր: Հայտնվելով խորհրդարանում՝ ՀԱԿ-ը հայտնվեց ընդդիմադիր դարձած ԲՀԿ-ի և ՀՅԴ-ի կողքին և, բնականաբար, անկյուն մղվեց: Անցած ամիսների ընթացքում մենք, ըստ էության, տեսանք, թե ՀԱԿ-ն ինչպես սկսեց քայքայվել: Այսինքն՝ իշխանության տեսանկյունից դա բավական հաջողված գործողություն էր, և այդ առումով ես կարծում եմ, որ ՀԱԿ-ի, ԲՀԿ-ի ՀՅԴ-ի՝ ընտրություններին չմասնակցելը տարբեր պատճառներ ունեն»: