Մեկնարկել է վենետիկյան հայտնի դիմակահանդեսը

Այս տարի վենետիկյան հանրահայտ դիմակահանդեսը մեկնարկում է հունվարի 26-ին և շարունակվելու է մինչև փետրվարի 12-ը: Այս տարվա դիմակահանդեսի խորագրիրն է՝ Vivi I colori, այսինքն՝ «Ապրի՛ր գույներով». գրում է ИТАР-ТАСС-ը:

Վենետիկյան դիմակահանդեսը կախարդական միջնադարյան տոն է, հրաշագեղ զգեստավորումներով պարահադես: Այն աշխարհի դիմակահանդեսների շարքում ամենահինն է: Որպես կանոն, դիմակահանդեսը շարունակվում է 2 շաբաթ, իսկ նրա մեկնարկի օրը կախված է կաթոլիկների Մեծ պահքից: Դիմակահանդեսը մեկնարկում է Մեծ պահքից 12 օր առաջ և ավարտվում պահքի առաջին շաբաթվա չորեքշաբթի օրը: Իտալերեն Carne Vale նշանակում է «Միսը թույլատրվում է»:

Դիմակահանդեսը դարերի պատմություն ունի: Նրա մասին առաջին հիշատակումներն առկա են 1094-ից, իսկ դրա արմատները տանում են անտիկ դարաշրջան: Սատուրն աստծո պատվին հնում բերքահավաքից հետո կազմակերպում էին հանդիսավոր երեկույթներ: Ստրուկներին նույնիսկ թույլատրվում էր տերերի հետ հավասար նստել տոնական սեղանների շուրջ՝ նրանց կողքին, սակայն որպեսզի դասակարգային կարծրատիպերը չփչացնեին ուրախությունը, մարդիկ բոլորը դիմակներ էին կրում:

Վենետիկյան դիմակահանդեսներն իրենց գագաթնակետին հասան 18-րդ դարում, երբ հրապարակներում պարերն ու շքեղ հանդերձանքները դարձան նորաձևության իրական կերպարներ: