ԱՄՆ-ում աբորտն արգելելու համար երթի են դուրս եկել հարյուր հազարավոր մարդիկ

Ամերիկայի մայրաքաղաքի փողոցներում հարյուր հազարավոր մարդիկ երթ են կազմակերպել՝ իրենց աջակցությունը հայտնելով աբորտներն արգելող օրենքին:

Աբորտների ընդդիմադիրները հավաքվել են ԱՄՆ-ի գերագույն դատարանի շենքի առջև, ուր կարճատև ցույց են կազմակերպել: Այնտեղից նրանք շարժվել են Վաշինգտոնի կենտրոնական զբոսայգի, այնուհետև՝ դեպի Սպիտակ տուն:

Ցույցի կազմակերպիչները հայտարարել են, որ երթին մասնակցել է 400.000 մարդ:

Մասնակիցներն իրենց ձեռքերին կրում էին ցուցանակներ, որոնք կոչ էին անում դադարեցնել չծնված երեխաների սպանությունները:

Ցույցը տևել է տեղական ժամանակով մինչև ուրբաթ օրը ժամը 18:00-ը (շաբաթ՝ 03:00):