Քաղաքական հաշվեհարդարը հասավ արտաքին քաղաքականություն. քաղաքագետ
Հրապարակումներ
Եկեղեցու դեմ Նիկոլ Փաշինյանի հակասահմանադրական կամպանիան արձանագրել է պետականության համար վտանգավոր հերթական դրսևորումը։
Ամենայն Հայոց Կաթողիկոս Գարեգին Բ -ի նկատմամբ կիրառված՝ երկրից դուրս գալու արգելքը, որի հետևանքով նա չի կարող մասնակցել Համայն Վրաստանի կաթողիկոս-պատրիարք Իլյա II-ի հուղարկավորությանը, քաղաքական հաշվեհարդարի դրսևորում է՝ իր հետևանքներով։
Օրինականության մասին հղումները այս դեպքում բացարձակապես համոզիչ չեն։ Պետությունը չի կարող սահմանափակվել «օրենքի տառով», երբ ակնհայտ են դրա ծանր քաղաքական և դիվանագիտական հետևանքները։ Օրենքը պետք է ծառայի պետությանը, ոչ թե օգտագործվի որպես գործիք՝ ներքաղաքական հաշվեհարդարի համար։ Այստեղ, ցավոք, ձևավորվում է հենց այդ տպավորությունը։
Արդյունքում, Հայաստանը հայտնվում է անհարմար և խոցելի վիճակում՝ ի վիճակի չլինելով ապահովել իր հոգևոր առաջնորդի ներկայությունը տարածաշրջանային նշանակության իրադարձությանը։ Սա ոչ թե դիվանագիտական վրիպում է, այլ խայտառակություն, որի միակ պատասխանատուն Փաշինյանն է:
Այս խայտառակ փաստը ստվերում է հայ- վրացական բարեկամական հարաբերությունները, մանավանդ՝ Վրաստանի կողմից հատուկ հրավերը և միտրոպոլիտ Նիկոլոզ Պաչուաշվիլիի հրապարակային հայտարարությունները ցույց են տալիս, որ Թբիլիսին սպասում էր հայկական հոգևոր ներկայությանը։
Սակայն գլոբալ առումով՝ տեղի է ունենում պետականության արժեզրկման շարունակական գործընթաց, որի հետևանքները արդեն տեսանելի են ոչ միայն երկրի ներսում, այլ նաև արտաքին աշխարհում։
ՈՒՂԻՂ ԵԹԵՐ
Ամենադիտված 
Ով էր Ռուսաստանում բանջարեղենի շուկաները վերահսկող «օրենքով գողը», որի գլխի համար որս էին հայտարարել. Lenta.ru
