Դերենիկ Դումանյանը չհանդիպեց ատամնաբույժներին, չնայած որ նրան սպասում էին
Հայաստան
Այսօր Ամերիկյան համալսարանի շենքում էին հավաքվել Երևանից և հանրապետության տարբեր շրջաններից եկած ատամնաբույժներ, ովքեր բողոքում էին «Արտոնագրային վճարների մասին» ՀՀ օրենքում կատարված փոփոխություններից, ըստ որի՝ հունվարի 1-ից ատամնաբույժները պարտավոր են 60-80 հազար դրամ աթոռահարկ վճարել՝ նայած թե ատամնաբուժարանը քաղաքի որ տարածքում է գտնվում:
Ստոմատոլոգների ասոցացիայի ղեկավար Աշոտ Գևորգյանի խոսքով՝ այս օրենքն ատամնաբույժներին դրել է դժվարին դրության մեջ: Այս օրենքն ընդունվել է առանց որևէ ատամնաբույժի հետ խորհրդակցելու:
«Մենք կարծում ենք, որ այս օրենքն իր բացասական ազդեցությունը կթողնի փոքր ու միջին բիզնեսի զարգացման վրա, ատամնաբուժարանները կդադարեցնեն իրենց գործունեությունը»:
Բացի այդ, ստոմատոլոգները մշակել են մի փաթեթ, որով առաջարկում են փոփոխություններ մտցնել «Արտոնագրային վճարների մասին» օրենքում: Վերջնական մշակվելուց հետո ատամնաբույժների կողմից փոփոխությունների փաթեթ կներկայացվի Ազգային Ժողով:
Նշենք նաև, որ ՀՀ Առողջապահության նախարար Դերենիկ Դումանյանը, թեև հրավիրված էր, բայց չէր ներկայացել ատամնաբույժների հետ հանդիպմանը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
