Այսօր ՀՀ-ում արձանագրված պատահարները

Ավտոմեքենան արգելափակվել է ձնակույտի մեջ

Հունվարի 26-ին, ժամը 14.12-ին ահազանգ է ստացվել, որ Արագածոտնի մարզի Վարդաբլուր գյուղում ավտոմեքենան արգելափակվել է ձնակույտի մեջ. անհրաժեշտ է օգնություն: Կտրվի լրացուցիչ տեղեկատվություն:

-

Օգնության են հասել փրկարարները

Հունվարի 26-ին, ժամը 12.24-ին ահազանգ է ստացվել, որ Գորիս քաղաքի Սյունիքի փողոցի թիվ 2 շենքի առաջին մուտքի սյունը թեքվել է. անհրաժեշտ է օգնություն: Դեպքի վայր է մեկնել մեկ մարտական հաշվարկ: Պարզվել է, որ իրականում քաղաքացին վախեցել է շենքի մուտքի դիմաց նստած շնից և խնդրել օգնություն: Հրշեջ-փրկարարները քաղաքացուն ուղեկցել են բնակարան:

-

Օգնություն քաղաքացուն

Հունվարի 26-ին, ժամը 13.18-ին ահազանգ է ստացվել, որ Երևանի Հովհաննիսյան թաղամասի թիվ 29 շենքի 26-րդ բնակարանի բնակիչը գտնվում է հոգեկան անհավասարակշիռ վիճակում, չի արձագանքում դռան և հեռախոսի զանգերին. անհրաժեշտ է օգնություն: Դեքպի վայր է մեկնել մեկ մարտական հաշվարկ: Կտրվի լրացուցիչ տեղեկություն:

-

Հրշեջ-փրկարարներն ապամոնտաժել են ճաղավանդակը

Հունվարի 26-ին, ժամը 10.17-ին ահազանգ է ստացվել, որ Հրազդան քաղաքի Միկրոշրջան թաղամասի թիվ 28 շենքի տանիքի ճաղավանդակը կախվել է. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Հրշեջ-փրկարարները ապամոնտաժել են ճաղավանդակը և տեղափոխել անվտանգ վայր:

-

Ջերմուկ-Երևան ավտոճանապարհին տեղի է ունեցել քարաթափում

Հունվարի 26-ին, ժամը 10.31-ին ահազանգ է ստացվել, որ Ջերմուկ-Երևան ավտոճանապարհի 7-րդ կմ-ում տեղի է ունեցել քարաթափում, ինչի հետևանքով ճանապարհի երթևեկությունը դարձել է միակողմանի: Դեպքի մասին տեղեկացվել է «Վայքի ՃՇՇ»-ն: «Վայքի ՃՇՇ»-ի աշխատակիցների ձեռնարկած միջոցառումների արդյունքում ժամը 13.00-ի դրությամբ ավտոճանապարհը մաքրվել է քարերից և վերականգնվել երկկողմանի երթևեկությունը:

-

ՃՏՊ՝ Սայաթ-Նովա-Նալբանդայան խաչմերուկում

Հունվարի 26-ին, ժամը 10.02-ին տեղեկատվություն է ստացվել, որ Երևանի Նալբանդյան-Թումանյան խաչմերուկում տեղի է ունեցել ճանապարհատրանսպորտային պատահար. անհրաժեշտ է օգնություն: Դեպքի վայր է մեկնել մեկ մարտական հաշվարկ, փրկարարական ուժերի վարչության հատուկ փրկարար ջոկատը, ՃԿԿ ԱԻ արձագանքման խումբը: Պարզվել է, որ դեռևս չպարզաբանված հանգամանքներում Սայաթ-Նովա-Նալբանդայան խաչմերուկում «Օպել Աստրա» մակնիշի 33 PS 394 պետհամարանիշի ավտոմեքենան (վարորդ' Վ. Առաքելյան ծնվ. 1990 թ.) բախվել է թիվ 18 երթուղու «Գազել» մակնիշի 1327 S պետհամարանիշի միկրոավտոբուսին, ինչի հետևանքով վերջինս շրջվել է: ՃՏՊ-ի հետևանքով տարբեր աստիճանի վնասվածքներով ուղևորներ' 1957 թ. ծնված Ա. Մկրտչյանը, 1951 թ. ծնված Ն. Թովմասյանը և 1992 թ. ծնված Ա. Մովսիսյանը տեղափոխվել են «Սրբ. Գրիգոր Լուսավորիչ» բժշկական կենտրոն, իսկ Գ. Հարությունյանը՝ «Մ. Հերացու անվան թիվ 1 համալսարանական կլինիկական հիվանդանոց»: Բժիշկենրը տուժածների վիճակը գնահատում են բավարար: Ժամը 11.15-ին փրկարարների ուժերով միկրոավտոբուսը ուղղվել է: