Հռիփսիմե Հակոբյանը՝ երջանկության, կանացիության ու հարաբերությունների մասին

ArmStar.am-ը զրուցեց երգչուհի Հռիփսիմե Հակոբյանի հետ:

Ըստ Հռիփսիմեի պատասխանների՝ կկարողանաք գուշակել, թե Մարտին Մկրտչյանին ինչպես է հաջողվել գերել երգչուհու սիրտը:

Հունվարի 26-ին Հայ առաքելական եկեղեցին նշում է սիրո բարեխոս Սուրբ Սարգսի տոնը: Հետաքրքիր է, Հռիփսիմե, երբևէ կերե՞լ եք աղի բլիթ:

-Այո, կերել եմ, սակայն երազում երբևէ որևէ մեկին չեմ տեսել:

Իսկ ավելի տոնական տրամադրությամբ լինում եք Սուրբ Սարգսի՞, թե՞ Սուրբ Վալենտինի տոնին։

-Սուրբ Սարգսի տոնը մերն է, շատ եմ սիրում այդ տոնը, իսկ քանի որ Սուրբ Վալենտինը համաշխարհային տոն է, այն հենց այդպես էլ ընկալում եմ ու էլի շատ սիրում:

Տղա-աղջիկ հարաբերություններում ի՞նչ քայլեր կան, որ աղջիկն իրեն կարող է թույլ տալ:

-Կան կանացի փոքրիկ խորամանկություններ, որ աղջիկը միշտ պետք է գործի դնի և երբեք դրանցից չհրաժարվի:

Ինչը՞ կցանկանայիք, որ փոխվեր հայ աղջիկների մեջ:

-Ըստ իս, մեր աղջիկները բավականին գեղեցիկ և խելացի են, ես թերևս ոչինչ չէի փոխի:

Առաջին հայացքից հակառակ սեռի մեջ ինչը՞ Ձեզ կարող է վանել և գրավել:

-Ինձ կարող է վանել ժառգոնով խոսելը, իսկ գրավել՝ քաղաքավարի կեցվածքը:

Կնոջ գլխավոր զենքը՝ ըստ Ձեզ:

-Միտքը:

Տղամարդու ամենակարևոր երեք հատկանիշը:

-Ինձ համար տղամարդու երեք կարևոր հատկանիշն է ազնվությունը, ուժեղ կամքը և ընտանիքին նվիրված լինելը:

Ի՞նչն եք բացառում Ձեր կյանքում:

-Կեղծիքը:

Հանուն երջանկության ինչի՞ց եք ստիպված եղել հրաժարվել:

-Կարծում եմ, եթե ստիպված լինեի որևէ բանից հրաժարվել, ապա երջանկությունս լիարժեք չէր լինի: Փառք Աստծո, ոչ մի բանից չեմ հրաժարվել հանուն երջանկության:

Սովորաբար աղջիների մեծ մասը սիրում է ուշադրության տարբեր դրսևորումներ, ռոմատիկ արարքներ: Որևէ ռոմանտիկ դեպք կհիշե՞ք:

-Ես շատ աղջիկների նման ևս սիրում եմ ռոմանտիկ արկածներ: Դրանք իմ կյանքում այնքան շատ են եղել, որ չեմ կարող որևէ մեկն առանձնացնել

Սիրած անձնավորությունն ի՞նչ է փոխել Ձեր կյանքում:

-Սիրած անձնավորության առկայությունը ստիպում է լինել ավելի կանացի ու հենվել նրան, ոչ թե փոխել հայացքները: Յուրաքանչյուրս ունենք մեր կարծիքն ու տեսակետները: