Սոնա Շահգելդյան. «Սիրահարված չեմ, սիրում եմ»

ArmStar.am-ը զրուցեց նաև երգչուհի Սոնա Շահգելդյանի հետ, բայց այս անգամ ոչ թե նրա ստեղծագործական կյանքից, այլ նրա մասին, թե ինչպե՞ս է Սոնան մեկնաբանում սերն իր տեսանկյունից: Եվ արդյո՞ք պլաններ չունի անձնական կարգավիճակի փոփոխության հետ կապված: Իսկ իր պատասխաններից ելնելով՝ Սոնան դատողությունները թողնում է յուրաքանչյուրի խղճին:

Սոնա, այսօր Սուրբ Սարգսի տոնն է, ինչպես եք վերաբերվում այս տոնին և ամեն տարի ինչպե՞ս եք այն անցկացնում:

- Առհասարակ տոներին շատ լավ եմ վերաբերվում, հատկապես Սուրբ տոներին՝ ինչպես օրինակ Զատիկը, Սուրբ Սարգիսը:
Այդ օրը գիտեմ, որ աղի բլիթի օրն է, որը հնուց եկած ավանդույթ է: Պետք է խոստովանեմ, որ կցանկանայի ավելի տեղեկացված լինել այդ տոնի մասին: Որքան գիտեմ Վալենտինը մեր տոնը չէ: Ուստի ես ընդունում եմ միայն մեր սիրո տոնը՝ Սուրբ Սարգիսը, չնայած ես ծնվել եմ հենց Սուրբ Վալենտինի օրը:

Այս տարի ուտելու եք աղի բլի՞թ:
- Ամեն տարի ուտում եմ աղի բլիթ, և հավատում եմ և չեմ հավատում: Մի անգամ աղիությունն այնքան շատ էր, որ չհամբերեցի և ջուր խմեցի: Իսկ մնացած տարիներին հստակ որևէ երազ չեմ տեսել:

Ի՞նչ է Ձեզ համար սերը:

- Սերն ինձ համար գլոբալ հասկացողություն է: Այն ինձ համար ամեն ինչ է: Ու ըստ իս, ամեն մեկն իրավունք չունի սիրելու, որովհետև պետք է այդ սերը հասկանալ, գնահատել: Այն պետք է անպայման լինի փոխադարձ: Եթե այն միակողմանի է, ապա չեմ կարծում, որ դա սեր լինի: Ու հետո ամեն մեկը չի գնահատում իսկական սերը և նրա համար արդեն ուշ է լինում այդ սերը հետ բերելու համար:

Հանուն սիրած էակի ինչի՞ եք պատրաստ:

- Եթե սիրեմ, բնականաբար ամեն ինչի, իհարկե դրա մեջ չի մտնում որևէ մեկին վնասելը: Եթե նա պատրաստ լինի ինձ համար զոհողությունների գնալ, հարգել, սիրել, բնականաբար ես պատրաստ կլինեմ ամեն ինչի: Սակայն կարծում եմ նման վերաբերմունքը շատ հաճախ չի գնահատվում, դու քեզ ստիպում ես, ամեն ինչ անում ես….:

-Սիրահարվա՞ծ եք:

-Միգուցե սիրահարված եմ, սիրում եմ բնականաբար: Ինձ համար սիրելն ուրիշ բան է, սիրահարված լինելը՝ ուրիշ: Չգիտեմ թե ինչ կլինի…. Մոտ ապագայում ամուսնություն, նշանդրեք բնականաբար չի լինի: Ես դեռ չեմ շտապում, երբ հստակ որևէ մեկին ընտրեմ, նոր կլինի այդ ամենը: Ամուսնությունը ինձ համար խաղ ու պար չէ, պետք է լուրջ ընտրություն կատարել:

….Ընկեր ունե՞ք:
-Թող դա գաղտնիք մնա, ով ինչպես կցանկանա, թող այդպես մտածի:

-Քիչ առաջ նշեցիք, որ ոչ թե սիրահարված եք, այլ սիրում եք, ուրեմն ամեն ինչի պատրա՞ստ եք:

-Դե..այո, ամեն ինչ պատրաստ եմ: Եթե լավ մարդ լինի, լավ մարդ գտնելը շատ դժվար է: Մարդիկ շատ փոփոխական են, իսկ ես չեմ սիրում փոփոխական մարդկանց: