Շարլ Ազնավուրի դստեր և Աննա Կոկչյանի կրոնափոխ լինելու մասին (տեսանյութ)

Այսօր համացանցային տեղական քննարկման գլխավոր թեման Շարլ Ազնավուրի դստեր կրոնափոխ լինելու լուրն է: Համացանցը հեղեղվել է այս տեղեկատվությամբ, օգտատերերն էլ ակտիվորեն քննարկում են այն: Ձեր ուշադրությունն ենք հրավիրում մի տեսանյութի վրա, որը մեզ հետաքրքրել էր դեռևս մեկ ամիս առաջ, սակայն որոշել էինք այն չհրապարակել՝ մինչ պաշտոնական պատասխան ստանալը: Վերջինը բավականին ձգձգվեց, քանի որ պետական գերատեսչություններում ընդունված երևույթ է, երբ զանգահարում ես մի հարցով ու քեզ այս բաժնից մյուս բաժնի համարն են տալիս...

Վերջին շրջանում քննարկվում է նաև Աննա Կոկչյանի կրոնափոխ լինելը: Նախկին հաղորդավարուհին esyes.am –ի հետ զրույցում ասաց, որ ինքը երբևէ որևէ կրոն չի ընդունել: «Կրոնափոխ լինելու համար նախ պետք է ինչ-որ կրոն ընդունել, ես ոչ մի կրոն երբևէ չեմ ընդունել,- ասաց Աննան և հավելեց, որ հիմա էլ ոչ մի կրոն չի ընդունում, սակայն ուսումնասիրում է բոլոր կրոները: -Ես մոլի հավատացյալ չեմ և ինձ քրիստոնյա չեմ համարում այն սկզբունքով, որ ծնվել եմ քրիստոնեական երկրում: Մինչև ես ինչ-որ հավատք չեմ ընդունում, ես այդ հավատքին չեմ ենթարկվում»: Երբ Աննային հարցրեցի՝ արդյո՞ք այլ հավատք է ընդունում և դրան ենթարկվում, նա հետևյալն ասաց. «Ես չեմ ընդունում, բայց առայժմ շատ լրջորեն ուսումնասիրում եմ բոլոր կրոններն ու հավատքի բոլոր տարբերակները»:

Եթե Աննայի խոսքերով՝ ինքը դեռ չի կողմնորոշվել, Շարլ Ազնավուրի դուստրը՝ Կատի Ազնավուրը, ամուսնանացել է մարոկացու հետ և իսլամ ընդունել: Այս մասին տեսանյութը Youtube-ում հայտնվել է դեռևս 2011 թվականի նոյեմբերի 3-ին: Ներկայացնում ենք այն Ձեր ուշադրությանը:

Նյութը՝ esyes.am-ի: