Աշխարհի ամենամեծ բարեգործները (լուսանկարներ)

Forbes պարբերականը ներկայացրել է աշխարհի ամենանշանավոր բարեգործներին: 

Ցուցակը գլխավորում է Բիլ Գեյթսը. նրա նվիրատվությունը գնահատվում է 28 մլրդ դոլար:

Գեյթսի բարեգործական հիմնական ծրագրերը սկսվեցին 1999-ին, երբ հիմնադրեց ընտանեկան բարեգործական կազմակերպությունը, որը զբաղվում է տարբեր հիվանդություններով տառապող մարդկանցով բուժումով:

Վարեն Բաֆետի ընդհանուր բարեգործությունը գնահատվում է 17,25 մլրդ դոլար: Նա նշել է, որ իր ամբողջ հարստությունը կտրամադրի բարեգործական նպատակներով, սակայն իր մահից հետո: Շուրջ 20 տարվա ընթացքում նա Գեյթսի բարեգործական հիմնադրամին տրամադրել է 30 մլրդ դոլար:

2012-ին նա բարեգործական նպատակներով տրամադրել է 1,5 մլրդ դոլար Berkshire Hathaway ֆոնդի միջոցով:

2010-ին Գեյթսի հետ ստեղծել է բարեգործական ծրագիր՝ բարեգործական նպատակներով միավորելով աշխարհի 92 մեծահարուստի  և կազմակերպության:

Ջորջ Սորոս. նրա բարեգործություններն ընդհանուր առմամբ կազմում են 8,5 մլրդ դոլար: Նա սկսել է բարեգործությամբ զբաղվել 1979 թվականից՝ հետազոտական նպատակներով դրամաշնորհներ տրամադրելով Կալիֆորնիայի հիվանդանոցներին:

Գորդեն Մուր. բարեգործության ընդհանուր քանակը 6,8 մլրդ դոլար: Նա ծրագրավորող-գիտնական է, ստեղծել է Intel ծրագիրը, իր բարեգործությունների մեծ մասը սկսել է 2000 թվականից, երբ 6 մլրդ դոլար տրամադրեց Գորդոն և Բեթի Մուր հիմնադրամին:

Հիմնադրամը հիմնականում կենտրոնացած է գիտության, միջավայրի պահպանման և բուժքույրերի կրթության վրա:

Կարլոս Սլիմ Հելու. մեքսիկացի մեծահարուստ, ով բարեգործական նպատակներով ծախսել է 4 մլրդ դոլար, որոնցից 2 մլրդ դոլարը՝ Carlos Slim հիմնադրամի միջոցով, իսկ մյուս 2 մլրդը 2010-ին: Ծրագրերի մեծ մասն ուղղված է առողջական և գիտակրթական բնագավառի բարելավմանը:

Էլի Բրոդ. կատարել է 3,5 մլրդ դոլարի բարեգործություն: Նրա գլխավոր նպատակը կրթության ասպարեզում բարեփոխումներ իրականացնելն է՝ պարգևատրելով առանձին գիտնականների:

2010-ին նա ձեռնարկեց նոր ժամանակակից արվեստի թանգարանի ստեղծումը, որը պետք է բացվի 2014-ին Լոս Անջելոսում: Նրա բարեգործական դրամաշնորհների մի մասն էլ նվիրված է եղել բժշկական հետազոտություններին:

Ջորջ Կայզեր. նրա բարեգործությունների ընդհանուր քանակը հասնում է 3,3 մլրդ դոլարի: Նա իր կողմից հիմնադրված George Kaiser ընտանեկան հիմնադրամի միջոցով դրամաշնորհներ է տրամադրել ԱՄՆ-ի Թուլսա քաղաքի հիվանդանոցներին, հանրային դպրոցներին, թմրամիջոցներին ապաքինվող կանանց և ստեղծել երեխաների համար նախատեսված կրթական կենտրոններ:

Մայքլ Բլումբերգ. 2,8 մլրդ դոլար է տրամադրել բարեգործական նպատակներով: Իրականացրել է մոտ 850 բարեգործական ծրագիր: Նա աջակցել է ծխելու դեմ պայքարի, զենքի հսկողության օրենքի ընդունման արշավներին և արվեստի համակարգերին:

Ազիմ Փրեմջի. հնդիկ բարեգործ, ով դրամաշնորհների համար տրամադրել է 2,1 մլրդ դոլար: 2001-ին ստեղծել է Azim Premji հիմնադրամը, որի միջոցով դրամաշնորհներ է տրամադրել Հնդկաստանում դպրոցների վիճակի բարելավմանը:

Ջեյմս Սթոերս. ընդհանուր 2 մլրդ դոլար բարեգործությամբ: Կանզաս քաղաքում բժշկական հետազոտություններին նվիրված Սթոերս համալսարանին, որից հետո նա և իր կինը միլիոնավոր դոլարներ են տրամադրել դիաբետի, սրտային հիվանդությունների ուսումնասիրություններին: