Սուրեն Առուստամյանը Էրիկ Քլեպթոնի մրցույթում առաջատար է

Հայտնի հայ երգիչ, «Նոր ալիք» եւ «Hay superstar» մրցույթների մասնակից Սուրեն Առուստամյանը շարունակում է նվաճել արտասահմանյան շոու բիզնեսի գագաթները։ Անձամբ Էրիկ Քլեփթոնի հայտարարած Cocaine ստեղծագործության լավագույն քովեր-տարբերակի մրցույթի քվերարկության արդյունքով Սուրենն առաջատար դիրք է զբաղեցնում։ Այսպես նա NEWS.am Style-ի թղթակցի հետ զրույցում մեկնաբանեց իր հաջողության պատճառները:

Ո՞րն է ձեր քովեր-տարբերակի հանրահայտ լինելու գաղտնիքը։

Cocaine – ն իմ ամենասիրած ստեղծագործություններից է։ Հավանաբար այդ սերը զգացվում է իմ քավեր-տարբերակում, այդ պատճառով էլ դուր է գալիս ունկնդրին։ Շատ շնորհակալ եմ նրանց յուրաքանչյուր «լայքի» համար, որ նշում են իմ աշխատանքի տակ, քանի որ այս մրցույթն ինձ համար կարիերայի հերթական գագաթնակետ չէ։ Էրիկ Քլեփթոնի հետ նվագելն իմ վաղեմի երազանքն է, եւ ես հավատում եմ, որ դա հնարավոր է։

Ի՞նչ կփոխվի ձեր կյանքում, եթե հաղթեք։

Չգիտեմ… Ձգտում եմ չգուշակել։ Ես ծրագիր ունեմ մրցույթի թե՛ դրական, թե՛ բացասական արդյունքի համար, սակայն այդ մասին աշխատում եմ չմտածել։

Ինչպե՞ս կնկարագրեք ձեզ որպես անհատ։

Հավանաբար միայն երեք բառ. ռոմանտիկ, նպատակասլաց ու բարի։

Ելույթ եք ունենում թե՛ մենակ, թե՛ խմբով։ Ո՞րն է ձեզ ավելի դուր գալիս։

Շատ տարբեր զգացողություններ են, սակայն խմբի հետ ելույթ ունենալն, այնուամենայնիվ, ավելի հետաքրքիր է։ Իմ խումբը կոչվում է «Սուրեն Առուստամյանի բլյուզ բենդ», ինչպես երեւում է անվանումից, բլյուզ ենք նվագում։ Երաժշտական այս ուղղությունն ինձ մյուսներից հարազատ է։ Ելույթ ենք ունենում բավականին հաճախ. պատահում է՝ շաբաթվա մեջ մի քանի անգամ։ Ունենք նույնիսկ մշտական երկրպագուներ, ովքեր բաց չեն թողնում ոչ մի համերգ։

Նման զբաղվածության պարագայում ինչպե՞ս եք հաջողացնում ժամանակ գտնել անձնական կյանքի համար։

Գիտեք, ձգտում եմ ոչինչ չպատմել իմ անձնական կյանքի մասին։ Ես այն փութաջանորեն թաքցնում եմ օտար աչքից, ականջից ու լուսանկարչական ապարատից։ Անձնականը հենց այն պատճառով է անձնական, որ հրապարակային չլինի, այդպես չէ՞։