Եգիպտոսում հազարավոր ցուցարարներ փողոց են դուրս եկել՝ չնայած պարեկային ժամին
Մերձավոր Արևելք
Եգիպտական Պորտ Սաիդ, Սուեզ և Իսմայիլիա քաղաքներում, չնայած նախօրեին նախագահ Մուհամմեդ Մուրսիի կողմից հաստատված պարեկային ժամին, հազարավոր քաղաքացիներ փողոց են դուրս եկել հակակառավարական ցույցի. տեղեկացնում է Reuters-ը: Պարեկային ժամն ու արտակարգ դրությունը երկրում մտցվել էին տեղի ունեցած անկարգությունների արդյունքում, որոնք հանգեցրել էին մարդկային զոհերի:
Իսմայիլիայում և Սուեզի ջրանցքի երկայնքով ձգված քաղաքներում ցուցարարները փողոց են դուրս եկել՝ վանկարկելով՝ «Կորչի՛ նախագահ Մուրսին», «Կորչի՛ արտակարգ դրությունը»:
Եգիպտոսի հիմնական ընդդիմադիր կոալիցիան հրաժարվել է բանակցել նախագահ Մուրսիի հետ՝ առաջ քաշելով մի շարք պայմաններ, որոնց բավարարման դեպքում միայն հնարավոր են բանակցություններն իշխանությունների հետ: Դրանց թվում է 2012-ի դեկտեմբերին ընդունված Սահմանդրության մեջ ուղղումներ մտցնելու համար հատուկ հանձնաժողովի ստեղծելու և նախագահի կողմից վերջին զանգվածային անկարգությունների ժամանակ սպանությունների համար պատասխանատվությունը ճանաչելու պահանջը:
Հիշեցնենք, որ Պորտ Սաիդում անկարգությունների արդյունքում զոհվել էր 33 մարդ: Եվս 3-ը սպանվել էին թաղման արարողության ժամանակ, որը վեր էր ածվել զանգվածային ցույցի:
ՈՒՂԻՂ ԵԹԵՐ
Ամենադիտված 
Ստեփան Դեմիրճյանին հրապարակային զգուշացնում եմ․ Քեզ տրվում է 24 ժամ ժամանակ. Լեւոն Բաղդասարյան
