ՆԳՆ նախկին գեներալը ցմահ ազատազրկման է դատապարտվել լրագրողին սպանելու համար
ԱՐԽԻՎ
Կիևի դատարանը ՆԳՆ նախկին բարձրաստիճան պաշտոնյային մեղավոր է ճանաչել 2000 թվականին լրագրող Գեորգի Գոնգաձեի սպանության մեջ, սակայն թե ով է պատվիրել սպանությունը, դեռ չի պարզվել: Այս մասին նշում է The Wall Street Journal պարբերականը: Ալեքսեյ Պուկաչը ցմահ ազատազրկման է ենթարկվել:
Պուկաչը դատարանում հայտարարել է, որ դատավորն անտեսում է այն վկայությունը, որի համաձայն՝ Ուկրաինայի նախկին նախագահ Լեոնիդ Կուչման և նրա օգնական Վլադիմիր Լիտվինը մասնակցել են սպանությանը: Украинская правда լրատվական կայքը, որ ղեկավարում էր սպանված Գոնգաձեն, հաճախ քննադատության էր ենթարկում Կուչմային:
Երբ դատի ժամանակ Կուչմային հարցրել են, թե արդյոք նա հասկացել է դատարանի վճիռը, վերջինս պատասխանել է, որ կհասկանա միայն այն դեպքում, երբ Լիտվինը և Կուչման իր հետ հայտնվեն բանտում: «Կուչման և Լիտվինը մշտապես հերքում էին իրենց մասնակցությունը սպանությանը»,- նշում են լրագրողներ Կատյա Գորչիսկայան և Ջեյմս Մարսոնը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
