Ռուսաստանը չեղյալ է հայտարարել ԱՄՆ-ի հետ քրեական ոլորտում համատեղ պայքարելու համաձայնագիրը

Ռուսաստանի իշխանությունները հավանություն են տվել ԱՄՆ-ի հետ հակաքրեական ոլորտում համատեղ պայքարելու մասին համաձայնությունը կասեցնելու մասին որոշմանը: Իշխանությունները կարծում են, որ 2002-ին կնքված համաձայնությունը, որով նախատեսում էր համագործակցել իրավապահ գործունեության և թմրանյութերի դեմ պայքարի վերահսկման ոլորտում, արդեն վաղուց կորցրել է իր արդիականությունը: ՌԴ կառավարության մամլո ծառայությունը նախօրեին հայտարարել է համաձայնությունը հավաստող փաստաթղթի գործունեության դադարեցման մասին. տեղեկացնում է Риа Новости-ն:

Համաձայնության շրջանակներում ԱՄՆ-ը պարբերաբար ֆինանսական օգնութjուն էր ցուցաբերում Ռուսաստանին հակաքրեական նախագծերի իրագործման համար:

ՌԴ իշխանությունները կարծում են, որ այս տարիների ընթացքում Ռուսաստանը փոխել է իր իրավապահ համակարգը և այժմ ի վիճակի է սեփական միջոցներով ֆինանսավորել այդ նախագծերի իրագործումը: