Փաշինյանական իշխանությունները կրկին բռնվեցին ստի և կեղծիք տարածման մեջ․ Աբովյան

ԲՀԿ քաղխորհրդի անդամ Արման Աբովյանը ֆեյսբուքում գրել է.

«Պահհհհհոոո, փաշինյանական իշխանությունները կրկին բռնվեցին ստի և կեղծիք տարածման մեջ։ Ի դեպ, վերջին շրջանում ես մի տեսակ հոբբի ունեմ՝ բռնել փաշինյանականներին ստի վրա։ Եւ այսպես... թե՛ Փաշինյանը, թե՛ նրա թիմը վերջին շրջանում հիստերիկ ձևով հերքում են այն հանրահայտ փաստը, որ իրենց ընկեր և եղբայր Ալիևը պահանջում է իրենցից պայմաններ ստեղծել՝ հարյուր հազարավոր ադրբեջանցիների Հայաստանում բնակեցնելու համար։

Իշխանությունը պնդում է, թե նման թեմա գոյություն չունի և այն իբր հորինել է ընդդիմությունը։
Ու այսպես շարունակ...
Այժմ բացահայտենք սրանց ստերը։
Իրենց ադրբեջանցի «գործընկերները» ամենաբարձր մակարդակով (սկսած Ալիևից) բազմիցս պահանջել են, որ Հայաստանի իշխանությունները պայմաններ ստեղծեն Հայաստանում ադրբեջանցիների բնակեցման համար։
Ահա ադրբեջանական կողմի պահանջների ուղիղ հղումները․
1 — հղում
2 — հղում
3 — հղում

Ֆիքսում ենք, որ փաշինյանականների մի սուտը բացահայտվեց։ Իր հերթին, Հայաստանում պրոադրբեջանական իշխանության ավելի «խելացի» ներկայացուցիչները հայտարարում են, թե 2025 թվականի օգոստոսի 8-ին Վաշինգտոնում ստորագրված փաստաթղթերից հետո իրենք «փակել են» Հայաստանում ադրբեջանցիների բնակեցման հարցը։

Սակայն այստեղ էլ նրանք ստում են, որովհետև 2025 թվականի դեկտեմբերի 5-ին իրենց ընկեր և եղբայր Իլհամ Ալիևը Բաքվում անցկացվող միջազգային համաժողովի ընթացքում բաց տեքստով, հստակ և առանց որևէ վերապահման պահանջել է Հայաստանի իշխանություններին իրեն (Ալիևին) ներկայացնել Հայաստանում ադրբեջանցիների վերաբնակեցման ժամանակացույց՝ կոնկրետ ժամկետներով և բնակավայրերով։
Հղում

Ընդ որում, այս տեղեկատվությունը լայնորեն տարածվել է բազմաթիվ արեւմտյան լրատվամիջոցների կողմից։
Այսինքն՝ մենք հերթական անգամ գործ ունենք մի իրավիճակի հետ, երբ փաշինյանական իշխանության բարձրաստիճան ներկայացուցիչները պարզապես ստում են և ստում։

Այնպես որ, երբ հաջորդ անգամ փաշինյանական քարոզիչներն ու պաշտոնյաները ձեզ ստեն Հայաստանում ադրբեջանցիների վերաբնակեցման թեմայով, նրանց ընդամենը երկու հարց տվեք․
1․ Ներկայացրե՞լ են արդյոք Հայաստանում ադրբեջանցիների վերաբնակեցման ժամանակացույցը՝ համաձայն 2025 թվականի դեկտեմբերի 5-ին Ալիևի կողմից իրենց իջեցված հանձնարարականի։

2 ․ Եվ հիմա ինչպե՞ս են շարունակելու ստել, թե օգոստոսի 8-ին Վաշինգտոնում ստորագրված այդ անարժեք թղթով իրենք «փակել են» այս թեման»։