«Ժողովուրդ». Բրոքեր պատգամավորը

Աժ Էթիկայի հանձնաժողովը հունվարի 30-ի դռնփակ նիստում պարզաբանումներ է լսել ԱԺ ԲՀԿ խմբակցության անդամ Միքայել Մելքումյանից:

Պատգամավորն Էթիկայի հանձնաժողով է հրավիրվել 2012-ի դեկտեմբերի 21-ին վարույթ վերցված՝ «Ռազմավարական մշակումների կենտրոն» հկ-ի դիմումի շրջանակներում: Դիմումատուն մասնավորապես խնդրել էր քննության առնել Մ.Մելքումյանի վարքագիծը՝ հիմք ընդունելով համացանցում հայտնված տեսանյութը, որտեղ վերջինս պատմում էր, ո տարածքների խոշոր սեփականատեր է, և հեռախոսով բանակցում էր վարձակալության պայմանների շուրջ ու առաջարկում տարածքներ: