70-ամյա ամերիկացին կրակ է բաց թողել գրասենյակի աշխատակիցների ուղղությամբ

ԱՄՆ-ի Արիզոնա նահանգում անհայտ տղամարդը մտել է Ֆենիքս քաղաքի գրասենյակներից մեկը և կրակել աշխատակիցների ուղղությամբ: Արդյունքում զոհվել է 1 և վիրավորվել՝ 3 մարդ, որոնցից մեկի վիճակը բժիշկները ծայրահեղ ծանր են գնահատում:

Հանցագործը մտել էր գրասենյակ տեղական ժամանակով 10:30 (22:30)-ին, կրակ արձակել և անհետացել:

Ներկայումս Ֆենիքսի իշխանությունները փնտրում են 70-ամյա տղամարդու, ում կասկածում են հանցագործության մեջ:

Քաղաքի իշխանությունների խոսքերով՝ տեղի բնակիչ Արթուր Դուգլաս-Հարմոնը մտել է եռահարկ շենքը, ուր տեղակայված են եղել 15 տարբեր ընկերությունների գրասենյակներ, վեճի բռնվել աշխատակիցներից մեկի հետ, ապա կրակ բաց թողել մարդկանց ուղղությամբ:

Ոստիկանությունն արդեն խուզարկել է նրա տունը, սակայն կասկածելի ոչինչ չի գտել: