Եղանակը Հայաստանում

Հունվարի 31-ին կդիտվի մեծ մասամբ ամպամած եղանակ, սակայն էական տեղումներ չեն դիտվի, միայն առանձին վայրերում հնարավոր են թույլ ու աննշան տեղումներ: Օդի ջերմաստիճանն առայժմ գրեթե անփոփոխ կլինի: Հնարավոր է քամի մինչև 18մ/վրկ ուժգնությամբ, տեղ-տեղ հնարավոր է բուք, մառախուղ և ցածր տեսանելիություն, ճանապարհներին մերկասառույց, ձյան բերվածքի հետևանքով՝ դժվարանցանելիություն:

Հանրապետությունում ավտոճանապարհների մի շարք հատվածներում դիտվում է մերկասառույց, բուք և մառախուղ, կան դժվարանցանելի ճանապարհներ: Տեղեկացեք կանխատեսմանը և ճանապարհների վիճակին՝ շրջաններ մեկնելուց առաջ:

Տեղումների դադարը երկարատև չի լինի, տեղեկացնում ենք, որ արդեն ուրբաթ օրը տեղումները կվերսկսվեն, առաջիկա օրերին շրջանների մեծ մասում սպասվում է նաև օդի ջերմաստիճանի անկում:

Երևանում հունվարի 31-ին կդիտվի փոփոխական ամպամածություն, առանց էական տեղումների եղանակ, հնարավոր են միայն թույլ, աննշան տեղումներ, մառախուղ և ցածր տեսանելիություն, տեղ-տեղ՝ մերկասառույց:
Գիշերը 0-2, ցերեկը +2+4, երեկոյան -1+1: