«Գարեգին Նժդեհ» ֆիլմի դերակատարը զարմանում է ԱԱԾ-ի վրա
Հայաստան
«Գարեգին Նժդեհ» ֆիլմի մասին քննադատությունները կարծես թե չեն լռում: Այսօր լրագրողների հետ հանդիպման ընթացքում Նժդեհին մարմնավորող դերասան Արտաշես Ալեքսանյանը խորհուրդ տվեց այդ քննադատություններին մեծ ուշադրություն չդարձնել։
«Ես ցավում եմ, որ մեր հայ կոչվածները նման կերպ են արտահայտվում: Կրկնում եմ՝ ամեն սև բան Օթելլո չի, ամեն հայերեն խոսացող հայ չի: Զարմանում եմ՝ ԱԱԾ-ն չի համագործակցում մշակույթի հետ: Մենք մեր հերոսին մտցնում ենք ցեխի մեջ. զարմանում եմ ԱԱԾ-ի վրա»:
Խոսելով ֆիլմի նկարահանումների մասին՝ դերասանն ասաց. «Նախապատրաստական աշխատանքները տևել են 9 ամիս, 3 ամիս էլ նկարահանումներն են տևել»: Հարցին, թե 3 ամիսը կարճ ժամանակահատված չէ՞ ֆիլմ նկարահանելու համար, դերասանն ասաց. «Մարդիկ աշխարհում 25 օրում ֆիլմ են նկարում, դա խորհրդային մտածելակերպ է: Աշխարհն առաջ է գնում, իսկ մենք ի՞նչ ենք խոսում»:
Դերասանի խոսքով՝ Ֆիլմի ընթացքում էլ են մարդիկ ծափահարում, հանդիսատեսի կողմից ֆիլմը լավ է ընդունվել:
«Եթե այդ տեսակ ծառայություններ են մատուցում, այս կարգի խոսակցություններ են տանում, թուրքերի ջրաղացին ջուր են լցնում, թուրքից վերան են»:
ՈՒՂԻՂ ԵԹԵՐ
Ամենադիտված 
«Երջանկություն նորապսակներին»․ Աննա Մանուչարյանի «հարսանեկան» հրապարակումը՝ Վաչե Ամարյանի հետ 
