Զորահանդեսին զուգահեռ սրանք փնովում են Եկեղեցին, ՀՅԴ-ն, Արցախը՝ փորձելով մեր ազգի գենետիկ հիշողությունից ջնջել Հայ անունը. Գրիգորի Պողոսյան
Հրապարակումներ
Չէ․․․ Չենք մտածում։ Մարդկային ցեղի նախահայրն ու նախամայրը մտածելու, չարն ու բարին տարանջատելու կարողությունը ձեռք բերելու և գենետիկ պարույրի միջոցով մեզ փոխանցելու համար զոհաբերեցին Եդեմյան պարտեզում իրենց մշտական բնակության իրավունքը և դրանից ածանցյալ՝ Դրախտին բնորոշ բոլոր տնտեսական և սոցիալ-մշակութային իրավունքներն ու ազատությունները՝ խախտելով այդ բացարձակ միապետության իրավական համակարգի միակ նորմ-արգելքը։
Այդ անսահման ծանր զոհաբերությունը, սակայն այսօր արժեզրկվել է այնքան, որ մարդ արարածն իր մտածելու իրավունքը պատվիրակում է ցանկացած մեկին, ով «հավես ունի» մտածելու։ Մեր ազգի պարագայում դրությունն ավելի վատթար է՝ մտավոր գործունեության մեր «դելեգատների» փոխարեն մտածում է մեր դարավոր ոխերիմ թշնամին։ Մտածում և գործում է այնպիսի մի անեզր ցինիզմով, որ արդեն չես զարմանում, երբ թուրքական շերբեթով օժված թլպատած գլուխը բորենու քրքիջ հիշեցնող ձայնով բղավում է․ «Ինչո՞վ էր Արցախը մերը»։
Անսահման լկտիությունը հասավ գագաթնակետին, երբ որոշեցին զորահանդես անցկացնել։ Զորահանդեսը նվիրված է մի Հաղթանակի, որ համատեղ ապահովել են Հայ Մարդը, Հայ Առաքելական Եկեղեցին, Հայ Հեղափոխական Դաշնակցությունը, Հայ Արցախը։ Զորահանդեսին զուգահեռ սրանք փնովում են Եկեղեցին, ՀՅԴ-ն, Արցախը՝ փորձելով մեր ազգի գենետիկ հիշողությունից ջնջել Հայ անունը։
Մտածե՛ք, Հայեր։ Մտածելու համար դեռևս տաս օր կա։ Մտածեք, թե ինչու է Էրդողանի վարչակազմը սատարում այս իշխանություններին։ Կա՞ մեկ, գեթ մեկ Հայ, որ մտածում է, թե թուրքը մեր լավն է ուզում։
Հունիսի 7-ին պիտի փայլատակի Հայի միտքը և կամքը։ Կատարե՛ք Հայի ընտրությունը։ Մերժե՛ք թուրքի 16-ը:
ՈՒՂԻՂ ԵԹԵՐ
Ամենադիտված 
Ջուր չի լինի հուլիսի 28-ին ժամը 07.00-ից մինչև հուլիսի 29-ը ժամը 07.00-ն
