Այցելություն Մտավոր թերզարգացում ունեցող երեխաների Երևանի թիվ 11 հատուկ դպրոց

Հասարակություն 1 Փետրվար, 2013 0:56

Պաշտպանի աշխատակազմի Խոշտանգումների և բռնությունների կանխարգելման բաժնի և դրան առընթեր ստեղծված փորձագիտական խորհրդի անդամներից ստեղծված աշխատանքային խումբը հերթական մշտադիտարկման շրջանակներում այցելել էր Մտավոր թերզարգացում ունեցող երեխաների Երևանի թիվ 11 հատուկ դպրոց:

Դպրոցում սովորում են 73 երեխա, որոնք տարբեր մարզերից են, հիմնականում՝ անապահով ընտանիքներից:

Հատուկ դպրոցն իր աշխատանքը իրականացնում է հանրակրթական ծրագրով, ինչն իր հերթին բավական դժվարություններ է ստեղծում երեխաների համար. այսօր դպրոցում 73 երեխաներից տառաճանաչ է մոտ 25 երեխա:

Դպրոցի հատուկ մասնագետները՝ հոգեբանը, սոցիալական աշխատողը երեխաների համապատասխան կարգավիճակի (մտավոր թերզարգացացվածություն ունեցող երեխաներ) հետ աշխատանքը ճիշտ կազմակերպելու համար չունեն հստակ աշխատանքային չափորոշիչներ:

Հատուկ դպրոցում բուժսպասարկումը նույնպես կանոնակարգված չէ, և Առողջապահության նախարարության կողմից սահմանված 0-18 տարեկան երեխաների արտահիվանդանոցային բուժսպասարկման չափորոշիչները դպրոցի բուժանձնակազմին հասանելի չեն:

Աշխատանքային խումբը արձանագրել է նաև, որ Խարբերդի մանկատնից թիվ 11 հատուկ դպրոց տեղափոխված հաշմանդամություն ունեցող 10 և ավելի երեխաների թոշակը փոխանցվում է խնամակալին (Խարբերդի մանկատանը), մինչդեռ այս երեխաները փաստացի բնակվում են հատուկ դպրոցում, և նրանց բոլոր հոգսերը հոգում է դպրոցը: