Վլադիմիր Պուտինի և Նիկոլ Փաշինյանի հեռախոսազրույցը ևս մեկ անգամ ցույց տվեց, որ Հայաստանը եղել է, մնում է և տեսանելի ապագայում կմնա Ռուսաստանի ազդեցության գոտում. Խաչատրյան
Հրապարակումներ
Դիմում եմ ձեզ՝ կոչ անելով քվեարկել «Բարգավաճ Հայաստան» կուսակցության օգտին՝ թիվ 7։
Երեկ Վլադիմիր Պուտինի և Նիկոլ Փաշինյանի հեռախոսազրույցը ևս մեկ անգամ ցույց տվեց, որ Հայաստանը եղել է, մնում է և տեսանելի ապագայում կմնա Ռուսաստանի ազդեցության գոտում։
«Քաղաքացիական պայմանագրի» այն աջակիցներին, որոնք հավատում են, թե Հայաստանը կարող է անտեսել այս իրողությունը, ուզում եմ հիշեցնել, որ աշխարհաքաղաքականությունը կառուցված է ոչ թե ցանկությունների, այլ ուժերի իրական հարաբերակցության վրա։
Հայաստանի առջև այսօր երկու հնարավոր սցենար կա։
Առաջինը՝ շարունակել հակառուսական հռետորաբանության սրումը՝ Եվրոպական միությանն անդամակցելու անիրատեսական խոստումներով։ Այս ճանապարհը կարող է խորացնել ներքաղաքական ճգնաժամը, մեծացնել արտաքին վտանգները և Հայաստանը դարձնել տարածաշրջանային նոր բախումների թիրախ։
Այդ դեպքում Արևմուտքը, ամենայն հավանականությամբ, կսահմանափակվի հայտարարություններով և խորհրդանշական քայլերով, մինչդեռ հետևանքները կրելու է Հայաստանը։
Այդ իրավիճակում Ռուսաստանը, բնականաբար, կփորձի պաշտպանել իր ռազմավարական շահերը Հարավային Կովկասում։ Եվ այդ գործընթացում Հայաստանի շահերը կարող են երկրորդական դառնալ, եթե մենք ինքներս չկարողանանք ամրապնդել մեր պետականությունը և ինքնուրույն որոշումներ կայացնելու կարողությունը։
Պետք է նաև հասկանալ, որ Ռուսաստանում որոշումները չեն կայացվում մեկ անձի կողմից։ Այնտեղ գործում են տարբեր ազդեցության կենտրոններ, որոնց թվում կան նաև թուրքամետ և ադրբեջանամետ շրջանակներ։ Հետևաբար, հայ-ռուսական հարաբերությունները չեն կարող կառուցվել միայն զգացմունքների կամ հին պատկերացումների վրա։
Իմ համոզմամբ՝ Հայաստանի համար լավագույն ճանապարհը հավասարակշռված քաղաքականությունն է։ Եթե հաղթեն ընդդիմադիր ուժերը՝ «Բարգավաճ Հայաստան» կուսակցության գլխավորությամբ, մենք հնարավորություն կունենանք պահպանելու մեր անկախությունը, պաշտպանելու մեր տարածքային ամբողջականությունը և կառուցելու այնպիսի պետություն, որտեղ Ռուսաստանի և Արևմուտքի հետ հարաբերությունները կծառայեն բացառապես Հայաստանի շահերին։
Ընտրությունը ձերն է, հարգելի՛ հայեր։
Մի՛ եղեք միամիտ, մի՛ հավատացեք գեղեցիկ, բայց անիրագործելի խոստումներին։ Գնահատեք իրողությունները, մտածեք Հայաստանի ապագայի մասին և ընտրություն կատարեք հանուն անվտանգ, ուժեղ և արժանապատիվ Հայաստանի։
Առողջ եղեք։
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
