«Առավոտ». Ընտրություններ չեն, այլ` շոու

«Սա ավելի շատ շոու է»,- «Առավոտ»-ի հետ զրույցում իրավապաշտպան Ավետիք Իշխանյանն այսպիսի գնահատական տվեց նախորդ օրը Հայաստանի հանրապետության նախագահ Սերժ Սարգսյանի նախընտրական շտաբի տարածած այն հայտարարությանը, որով հանրությանը կոչ էր արվում շտաբին տեղեկացնել այն դեպքում, երբ անձնագրային տվյալների հավաքագրման դեպքեր գրանցվեն:

Ավետիք Իշխանյանը մանրամասնեց. «Ինչ-ինչ նպատակներով անձնագրային տվյալներ կարող են հավաքել թեկնածուներից միայն իշխանական լծակներ ունեցող թեկնածուի կողմնակիցները: Այնպես որ՝ այդ դատապարտումների անկեղծությունը կասկածելի է, քանի որ չեմ կարծում, որ իշխանության թեկնածուի կողմնակիցները չգիտեն, թե ինչ ձևով են աշխատում տեղում նրանց կողմնակիցները: Սա ավելի շատ ցուցադրական հայտարարություն է, քան իրական մտահոգություն»: