«Ժողովուրդ». Հիմա ծեծե՞լ են, թե՞ չեն ծեծել դերասան Սերգեյ Գրիգորյանին

«Ժողովուրդը» տեղեկացավ, որ Կ. Ստանիսլավսկու անվան ռուսական դրամատիկական թատրոնի դերասան Սերգեյ Գրիգորյանը հայտնի միջադեպից հետո երեկ առաջին անգամ գնացել է աշխատանքի:

Հիշեցնենք, որ 2012թ. դեկտեմբերի 5-ին տեղեկություն տարածվեց, որ դերասանն Աժ պատգամավոր Մհեր Սեդրակյանին պատկանող բենզալցակայանի տարածքում դաժան ծեծի է ենթարկվել և տեղափոխվել հիվանդանոց: Նույնիսկ Մ. Սեդրակյանն այցելեց հիվանդանոցում պառկած դերասանին՝ պարզելու եղելությունը: Սակայն թե՛ տուժողը, թե՛ նրա մայրը ոստիկանությանը տված բացատրություններում պնդել էին, որ Սերգեյը վնասվածքը ստացել է նոյեմբերի 29-ին՝ իրենց տանը ներքին հարդարման աշխատանքներ կատարելու ժամանակ: Պատասխանելով «Ժողովուրդ»-ի հարցին, թե ինչու էր միջադեպի հետ կապված՝ ընկերներին այլ բան պատմել, իսկ ոստիկանությունում ներկայացրել աստիճանից վայր ընկնելու վարկածը, արդյոք դա սպառնալիքների արդյունք է, դերասանը կտրուկ արձագանքեց. «Ես չեմ ցանկանում այդ մասին խոսել և վերջ»: