Իրանն ակտիվացրել է իր ռազմական և ֆինանսական օժանդակությունը Սիրիային. Հիլարի Քլինթոն

ԱՄՆ պետքարտուղար Հիլարի Քլինթոնը դատապարտել է Իրանի և Ռուսաստանի կողմից զենքի և ֆինանսական միջոցների մատակարարումը Սիրիա: Այս մասին նշում է հենց ինքը ԱՄՆ պետքարտուղարը: 

Իր վերջին մամլո ասուլիսի ժամանակ Հիլարի Քլինթոնը նշել է, որ Իրանի գլխավոր շահերից մեկն է Բաշար Ասադին որպես Սիրիայի նախագահ պահելը, որի պատճառով ակտիվացրել է ռազմամթերքի մատակարարումը Սիրիա: 

Հիլարի Քլինթոնը նաև նման անհանգստություն արտահայտեց Ռուսաստանի կողմից կոնֆլիկտին ներգրավելու համար: «Մենք պատճառ ունենք հավատալու, որ Ռուսաստանը շարունակում է ռազմական և ֆինանսական օժանդակություն ցուցաբերել Բաշար Ասադի ռեժիմին զինամթերքի տեսքով»: 

Քլինթոնը չմեկնաբանեց Իսրայելի օդային ուժերի կողմից հարձակման լուրերը, այլ ուղղակի անհանգստություն արտահայտեց, որ կոնֆլիկտը կարող է ավելի սրվել ու տարածվել: 

Մինչ այդ Սիրիական բանակը նշել էր, որ Իսրայելի ռազմաօդային ուժերը ռմբակոծել են Դամասկոսի մոտ գտնվող Ջամրայա հետազոտական կենտրոնը, սակայն ԱՄՆ-ն նշել է, որ ռմբակոծվել են բեռնատարներ, որոնք զենք էին տեղափոխում Լիբանան «Հիզբոլլահ» ռազմական շարժման համար: 

Սպիտակ տունը չի ներկայացրել մանրամասներ այս ռմբակոծությունների վերաբերյալ, սակայն դատապարտել է Սիրիային` նշելով. «Սիրիան չպետք է ավելի ապակայունացնի վիճակը տարածաշրջանում` զենք մատակարարելով «Հիզբոլլահին»: Այս մասին հաղորդում է BBC գործակալությունը: