Քաղպաշտպանությունը` գերակա խնդիր

Այսօր ՀՀ ԱԻ նախարար Արմեն Երիցյանը խորհրդակցություն էր հրավիրել՝ նվիրված քաղաքացիական պաշտպանության խնդիրներին։

Քննարկված հիմնական հարցերը վերաբերում էին քաղաքացիական պաշտպանության պլանների վերանայմանը և դրանց իրականացմանն ուղղված ծրագրերի մշակմանը։

Այսուհետ քաղպաշտպանության ստորաբաժանումները պետք է ավելի սերտորեն համագործակցեն ճգնաժամային կառավարման կենտրոնի հետ՝ օգտվելով այնտեղ առկա բոլոր տեղեկատվական բազաներից։ Անհրաժեշտ է նաև քաղաքացիական պաշտպանության հարցերին ավելի լուրջ ուշադրություն դարձնել մարզերում և ավելի շատ աշխատել մարզային կառույցների հետ։

ԱԻ նախարար Ա. Երիցյանը նաև հանձնարարեց ուսումնասիրել քաղաքացիական պաշտպանության բնագավառում այլ երկրների փորձը և առաջարկություններ ներկայացնել մեր համակարգի աշխատանքի արդյունավետությունը բարձրացնելու վերաբերյալ։