Փաստորեն անարդարությունը միավորում է մարդկանց. սա կոնսոլիդացիայի նոր ձև է․ Արման Աբովյան

Հենց Ծառուկյանի ուժին ամբողջ աշխարհի աչքի առաջ իբր ԿԸՀ որոշմամբ թույլ չտվեցին մտնել ԱԺ, հենց Ծառուկյանի ուժից գողացան 60 հազար ձայն։

Այսինքն ստացվում է, որ Հայաստանում հարձակման և անարդարության թիրախը այն անհատն է ու այն ուժը, որը հանդես է գալիս ներքին համերաշխության, երկրում հանդարտության, իրար մորթելը բացառելու գաղափարներով։ Այսպես է ստացվում։ Բա այս տրամաբանությամբ ու՞ր ենք գնում։

Ու հենց Ծառուկյանի սեփականության վրա սկսվեց Հայաստանի պատմության մեջ նմանը չունեցող իշխանական հարձակում։ Խլեմ, զրկեմ, արգելեմ, չեղարկեմ՝ էս մտածողությամբ երկրում գոնե մեկ նորմալ ներդրող չի գա։ Բնականաբար Ծառուկյանը բոլոր ատյաններում և միջազգային դատարաններում պաշտպանելու է իր իրավունքը, բնականաբար Հայաստանում և ամբողջ աշխարհում ձևավորվելու է նրա սատարման շարժում, բնականաբար չի մոռացվելու ոչ մի ապօրինություն, բայց երկիրը միևնույն է տուժելու է։

Հիմա արդեն Հայաստանի բոլոր առողջ շրջանակները հրապարակային իրենց սատարումն են հայտնում Ծառուկյանին և ԲՀԿ-ին։ Մարդիկ, ովքեր երբեք չեն համարվել Ծառուկյանի համախոհ, երբեք չեն քվեարկել նրա օգտին, մոտենում են ու աջակցության խոսքեր ասում։

Փորձեք Գ. Ծառուկյանի հետ 10 րոպե քայլել Երևանի փողոցներով։ Ամեն վայրկյան մարդիկ մոտենում են, գրկում, նկարվում ու աջակցության խոսքեր ասում։

Փաստորեն անարդարությունը միավորում է մարդկանց. Սա կոնսոլիդացիայի նոր ձև է»։