«Հրապարակ». ՀԺԿ-ն հիացած չէ ՀԱԿ համակարգող Լևոն Զուրաբյանի գործունեությամբ
Հայկական Մամուլ
ՀԱԿ-ում տեղի ունեցող գործընթացները դոմինոյի էֆեկտով տարածվում են ՀԱԿ մնացյալ կուսակցությունների վրա: Ըստ «Հրապարակ»-ի՝ բարդ ընտրության առջև է կանգնած նաև ՀԺԿ-ն, որի առաջնորդ Ստեփան Դեմիրճյանն արդեն ապաքինվել է և սկսել է քաղաքական հանդիպումներ ունենալ՝ կողմնորոշվելու համար: ՀԺԿ- ն հիացած չէ ՀԱԿ համակարգող Լևոն Զուրաբյանի գործունեությամբ և կողմ է ՀԱԿ ռոտացիոն կառավարման սկզբունքին, ինչը նշանակում է, որ ՀԱԿ-ը կուսակցություն դարձնելու սկզբունքը ՀԺԿ-ի համար նույնպես ընդունելի չէ:
Ինչ վերաբերում է նախագահական ընտրություններում թեկնածուներից որևէ մեկին պաշտպանելու խնդրին, ապա ՀԺԿ-ն, ըստ ամենայնի, չի պաշտպանի Բագրատյանի թեկնածությունը:
Բանն այն է, որ դեռ խորհրդարանական ընտրությունների ժամանակ վեճ է ծագել ՀԱԿ քաղխորհրդում՝ ՀԺԿ-ն ներկայացնող Ստեփան Մինասյանի և «Ազատություն» կուսակցությունը ներկայացնող Վոլոդյա Բրուտյանի միջև: Վերջինս պնդել է, որ համամասնական ցուցակի երկրորդ հորիզոնականում՝ Տեր-Պետրոսյանից հետո, պետք է լինի Հրանտ Բագրատյանը՝ հաշվի առնելով վերջինիս անցած ուղին, կենսագրությունը, վաստակը:
Սակայն Տեր-Պետրոսյանը որոշեց երկրորդ տեղում գրել Ստեփան Դեմիրճյանին: Հետագայում Տեր-Պետրոսյանը, պառլամենտ չմտնելով, իր տեղը զիջեց Բագրատյանին:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
