Ծովագյուղում զբաղված են թաղումներով. անընդհատ մարդ է մահանում
Հայկական Մամուլ
Գեղարքունիքի մարզի Ծովագյուղ համայնքում օձի տարին լավ չի սկսվել: Ծովագյուղի դաշնակցական համայնքապետ Գևորգ Թովմասյանը «Ժողովուրդի» հետ զրույցում մտահոգվեց. «Զբաղված ենք թաղումներով: Անընդհատ մարդ է մահանում: Այսօր էլ հինգերորդին ենք թաղել: Հինգն էլ ծերեր են եղել: Հինգ ձայն էլ կորցրինք»:
Թերթի հարցին, թե գյուղի բնակիչները գալիք նախագահական ընտրություններին ում օգտին են հակված քվեարկելու, պատասխանեց. «Մեր պրեզիդենտին կընտրենք, քանի որ մեր դպրոցը վերանորոգել է, գույք է տվել, գազ է քաշել»: Այսպիսով՝ թեև դաշնակցականներն առաջիկա նախագահական ընտրություններին բացառել են իշխանության թեկնածուին աջակցելը, այնուամենայնիվ կուսակցության ներկայացուցիչ Գևորգ Թովմասյանն իր «ձայնը տալու է» Սերժ Սարգսյանին:
«Ժողովուրդը» փորձեց ՀՅԴ խմբակցության քարտուղար Աղվան Վարդանյանից պարզել, թե կուսակցությունն այդ դեպքում ինչ կանի, վերջինս ասաց. «Մենք ունենք կանոնագիրք, ունենք կուսակցության որոշում և դրանից բխող հետևանքներ»:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
