Այսօր ԱՄՆ-ում նշվում է Արջամկան տոնը
ԱՄՆ
Այսօր՝ փետրվարի 2-ին, ԱՄՆ-ում նշվում է Արջամկան համաժողովրդական օրը: Այսօր Փենսիլվանիա նահանգում բնակվող աշխարհահռչակ կենդանին գուշակելու է գարնան գալուստը:
Արդեն ավանդաբար հազարավոր մարդիկ են հավաքվել Փանքսաթոնի քաղաքում, որ տեսնեն, թե ինչպես են քնաթաթախ արջամկանը դուրս հանում իր որջից: Լուսադեմին նրա որջի մոտ կհավաքվեն արջամկան ակումբի անդամները, և նրանցից մեկը կհարցնի Ֆիլին (այդպես են կնքել գորշ արջամկանը), թե տեսնում է արդյոք նա իր ստվերը: Եթե այո, ապա ձմեռը կձգձգվի ևս 6 շաբաթ, իսկ եթե ոչ, ուրեմն գարունը մոտ է: Չնայած այն բանին, որ Ֆիլը միշտ չէ ճշգրիտ կանխատեսումներ անում, այսուհանդերձ, նրան նվիրված տոնը բավական հանրահայտ է: Արջամկան ստվերով գարունը կանխագուշակելու համանման ավանդույթ կա նաև Կանադայում և այլ երկրներում:
Ամենաառաջին պաշտոնական արջամուկ-օդերևութաբան Ֆիլը բնակվում է Փենսիլվանիա նահանգի Փանքսաթոնի քաղաքում, որտեղ տոնը նշվում է արդեն 126-րդ անգամ:
Ֆիլի կերպարը պատված է բազմաթիվ լեգենդներով: Ոչ ոք չգիտի նրա ճշգրիտ տարիքը, սակայն կանխատեսումներ նա անում է արդեն 121 տարի: Լեգենդի համաձայն՝ ամռանը արջամկան ակումբի ֆանատների կազմակերպած պիկնիկի ժամանակ նա հատուկ եթեր է խմում, որը նրա կյանքը երկարացնում է 7 տարով: Ընդ որում, կենդանին 3 նմանակ ունի, եթե հանկարծ ինքը տրամադրություն չի ունենում կամ իր գործերով է զբաղված լինում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
