ICES դիտորդները սկսել են Հայաստանում նախագահական ընտրությունների մոնիթորինգը

Անկախ այն հանգամանքից՝ ընտրությունները կհետաձգվեն, թե տեղի կունենան նշանակված օրը, փետրվարի 18-ին Ընտրական համակարգի միջազգային փորձագիտական կենտրոնը (ICES) սկսել է 2013 թվականի նախագահական ընտրությունների պատրաստման և անցկացման ընթացքի վերահսկումը: 

Ինչպես հայտնում է Regnum գործակալությունը, ICES փորձագետներին ապշեցրել է նախագահի թեկնածու, «Ազգային ինքնորոշում» շարժման ղեկավար Պարույր Հայրիկյանի մահափորձը, ցանկացել են նրան շուտափույթ առողջացում, կոչ են արել իրավապահ մարմիններին օպերատիվ հետաքննություն անցկացնել և հայտնաբերել ուժերին, որոնք կանգնած են այդ մահափորձի հետևում: 

Դիտորդների հանձնախմբի մեջ, որի գործողությունները սկսվելու են փետրվարի 3-ից, մտնում են ութ փորձագետներ: Հանձնախումբը պլանավորել է հանդիպումներ անցկացնել նախագահի թեկնածուների, կուսակցության ղեկավարների, կենտրոնական և շրջանային ընտրական շտաբերի ղեկավարների և հայկական ԶԼՄ ներկայացուցիչների հետ: 

ICES առաքելության մեջ մտնում են փորձագետներ Եվրամիության 10 երկրներից, ԱՄՆ-ից և Իսրայելից: Առաքելության մեջ մտնում են երեք գործառնական խմբեր «քաղաքական», որտեղ մտնում են պատգամավորներ Եվրախորհրդարանից և ազգային խորհրդարաններից, «իրավաբանական»` իրավաբաններ և նախկին դիվանագետներ, «ԶԼՄ»` քաղաքական մեկնաբաններ և ԶԼՄ ներկայացուցիչներ: Առաքելությունը գլխավորում է ICES նախագահ, XV Կնեսետի խորհրդական Ալեքսանդր Ցինկերը: