Հայրիկյանի վրա կրակելն Արևմուտքի հակառուսական անակնկալն է ՀՀ ընտրություններում. Վիկտոր Յակուբյան

Regnum գործակալությունում հրապարակվել է Հարավային Կովկասի հարցերով փորձագետ Վիկտոր Յակուբյանի հոդվածը, որում հեղինակը հերքում է Պարույր Հայրիկյանի վրա հարձակման հակառուսական տարբերակը և մանրամասն ներկայացնում, որ այն ավելի շատ ձեռնտու էր արևմտամետ ուժերին:

«Մինչ Հայրիկյանին կրակելը նախագահական ընտրությունները ընդհանուր առմամբ կանխատեսելի էին. ընտրական զանգվածի անտարբերության և քաղաքական հարաբերական կայուն իրավիճակում առաջին փուլում հաղթանակ էր տանելու Սերժ Սարգսյանը, չնայած որ ընտրություններում Սերժ Սարգսյանը միակ հզոր քաղաքական ուժն էր, քանի որ ընտրություններին չէր մասնակցում «Բարգավաճ Հայաստան» կուսակցությունը Գագիկ Ծառուկյանի գլխավորությամբ: Հենց «Բարգավաճ Հայաստան» կուսակցությունից թեկնածու չունենալու պարագայում Սարգսյանի քաղաքական հակառակորդներ դարձան ներկայացուցիչներ երկրորդ էյշելոնից, ինչպիսիք են «Ժառանգություն» կուսակցության ղեկավար Րաֆֆի Հովհաննիսյանը և նախկին վարչապետ Հրանտ Բագրատյանը, որոնցից երկուսն էլ ներկայացնում են արևմտամետ ուղղությունը: Սակայն այս թեկնածուները, ինչպես նաև նրանց հովանավորող ուժերը լավ էին հասկանում, որ այս կարճ ժամանակահատվածում չեն կարող իրենց կողմը գրավել ընտրազանգվածի համակրանքը: Այս առաջադրանքը ավելի էր բարդանում այն պարագաներում, որ ընտրազանգվածն ընդհանուր առմամբ շատ պասիվ է իրեն պահում:

Այսպիսով՝ Պարույր Հայրիկյանի վրա մահափորձով արևմտամետ ուժերը մի կողմից տեղեկատվական հարձակում էին կատարում, որի միջոցով արթնացնում էին խոր քնի մեջ մտած ընտրազանգվածը, մյուս կողմից՝ այդքան անհրաժեշտ ժամանակն էին շահում: Հասկանալի է միայն մեկ բան, որ այժմ ժամանակն աշխատում է առաջին հերթին Րաֆֆի Հովհաննիսյանի, այնուհետև՝ նաև Հրանտ Բագրատյանի օգտին: 

2-րդ կարևոր կետն այն է, որ այս տեղեկատվական սադրանքի կազմակերպիչներն այս միջոցով հասնում էին նախընտրական շրջանում ներքաղաքական դաշտի ապակայունացման»,-գրում է հոդվածագիրը:

Հիշեցնենք, որ Պարույր Հայրիկյանն իր հարցազրույցի ժամանակ նշել է, որ այս հարձակման հետևում կանգնած են եղել Ռուսաստանի հատուկ ծառայության ներկայացուցիչները: Սակայն Հայաստանում անկայուն վիճակն առաջին հերթին ձեռք չէր տալիս Ռուսաստանին: Պարույր Հայրիկյանի այս վարկածը նաև անհեթեթ է հնչում այն պատճառով, որ Ռուսաստանն ամբողջությամբ բաց էր թողել իր ուշադրությունից Հայաստանի ներքաղաքական վիճակն ընտրությունները սկսելուց առաջ: ԵՎ սա տեղի էր ունեցել «Բարգավաճ Հայաստանի» «արջի ծառայության» պատճառով: Բարգավաճ Հայաստան կուսակցությունն ամենաուժեղ ներկայացուցիչն էր ռուսական դաշտում. կողմ էր Հայաստանի` Եվրազիական մաքսային պայմանագրին անդամագրմանը, ինչպես նաև հայ-ռուսական հարաբերությունների ամրամպնդմանը, սակայն արդյունքում չդրեց իր թեկանծությունը:

Այս պարագայում ռուսական թևի միակ թեկնածուն մնում էր Սերժ Սարգսյանը, ով ընտրվելուց հետո ոչ միայն չէր իջեցնի ռուս-հայկական հարաբերությունների նշաձողը, այլ ավելի վեր կբարձրացներ, ուստի այս պարագայում մահափորձ կազմակերպել, որը ապակայունացնում է ներքաղաքական իրավիճակը և վնասում գլխավոր թեկնածուի հեղինակությանը, ոչ միայն ձեռնտու չէ ռուսական կողմին, այլ նաև անհեթեթություն է հնչում, ինչը չես ասի ամերիկամետ ուժերի մասին: 

«Հայաստանի եվրոպացի ընկերներ», TNS opinion և IPSC կազմակերպությունների կողմից հունվարի 15-20 անցկացված սոցհարցումները ցույց են տալիս, որ Սերժ Սարգսյանին կարող է թելադրվել ընտրական ուժեղ պայքար, որը ներքին ուժերի օժանդակությամբ կարող է շարունակվել նաև ընտրությունների արդյունքներն ամփոփելուց հետո:

Այսպես, այս սոցհարցումների արդյունքում Սերժ Սարգսյանն առաջին փուլում հավաքելու է ընտրողների 68,6% ձայնը, իսկ Րաֆֆի Հովհաննիսյանը՝ 20,8% ձայն (ընդ որում, եթե ընտրություններին մասնակցեր «Բարգավաճ Հայաստան» կուսակցությունը, Րաֆֆի Հովհանիսյանը կարող էր ստանալ մաքսիմում 5% ձայն): Ընդ որում, ինչպես ցույց են տալիս այս հարցումները, Հովհաննիսյանի նախընտրական ծրագրին կողմ էր հարցվածների 51%-ը: Այս պայմաններում ակնհայտ է դառնում, որ Րաֆֆի Հովհաննիսյանին բարձր արդյունք ստանալու համար անհրաժեշտ է միայն ժամանակ»,-եզրափակում է հեղինակը: