Հայությունը եզակի փոխկապակցված օրգանիզմ է, որն ապրում է մեկ տրամաբանությամբ. Տիգրան Սարգսյան

ՀՀ նախագահ Տիգրան Սարգսյանը Московские новости պարբերականին տված հարցազրույցի ժամանակ անդրադարձ է կատարել  Վրաստանի երկաթգծին, Լեռնային Ղարաբաղի հարցին և այլ կարևոր հարցերի: 

Երկաթգծի մասին հարցին Տիգրան Սարգսյանը պատասխանել է. «Վրաստանի միջով երկաթգծի շինարարությունն առաջնահերթ նշանակություն ունի, փակված են Թուրքիայի և Ադրբեջանի հետ սահմանները: Միջազգային պատժամիջոցները դժվարացնում են մեր տնտեսական հարաբերությունները Իրանի հետ: Այս հարցը քննարկվել է նաև Բիձինա Իվանաշվիլիի այցի ժամանակ, և Վրաստանի վարչապետը նույնպես շահագրգիռ է այդ շինարարությանը»: 

Московские новости պարբերականի հարցին՝ «Հայաստանը լարված հարաբերություններ ունի Ադրբեջանի և Թուրքիայի հետ, արդյոք դուք հեռանկար տեսնո՞ւմ եք Լեռնային Ղարաբաղի հակամարտության խաղաղ կարգավորման և հայ-թուրքական հարաբերությունների կարգավորման համար», Սարգսյանը պատասխանել է. «Այն առաջին հերթին կախված է Ադրբեջանի քաղաքական կամքից: Հայաստանը բանակցային գործընթացում կառուցողական դիրքորոշում է որդեգրել, որը կայանում է նրանում, որ պետք է ընդունվի երկկողմանի ընդունելի որոշում: Սակայն մեր հարևանները դրան պատրաստ չեն: Ինչ վերաբերում է Թուրքիային, ապա Հայաստանը բանակցություններ սկսեց Թուրքիայի հետ սահմանները բացելու համար՝ առանց որևէ նախապայմանների: Բանակցություններն ավարտվեցին արձանագրությունների ստորագրումով, որոնք պետք է վավերացնեին խորհրդարանները: Հայկական կողմը նշեց, որ պատրաստակամ է, սակայն թուրքական կողմը սառեցրեց այդ գործընթացը: Այս հարցում զգալի է Ադրբեջանի ազդեցությունը, որը պահանջում է Հայաստանի նկատմամբ վարել շրջափակման գործողություն»: 

Հայկական սփյուռքի մասին հարցին վարչապետը պատասխանել է, որ հայությունը եզակի փոխկապակցված օրգանիզմ է, որն ապրում է մի տրամաբանությամբ, և պետք չէ հայկական սփյուռքը դիտարկել միայն որպես դոնոր: