Գարիկ Սարգսյանը լքում է Վեդիի ղեկավարի պաշտոնը՝ ԱԺ պատգամավոր դառնալու համար
Հրապարակումներ
Վեդի համայնքի ղեկավար Գարիկ Սարգսյանը հայտարարել է, որ հրաժարվում է համայնքի ղեկավարի պաշտոնից՝ ՀՀ Ազգային ժողովի պատգամավորի մանդատը ստանձնելու համար։
Սարգսյանը ֆեյսբուքյան իր էջում գրել է, որ վերջին հինգ տարիների ընթացքում ղեկավարել է Վեդի համայնքը՝ փորձելով իրականացնել զարգացման ծրագրեր և բարելավել համայնքի բնակիչների պայմանները։
Նա նշել է, որ 2021 թվականին Վեդի միավորված համայնքի ավագանու ընտրություններին մասնակցել է «Ուզու՞մ ես շենացնել հայրենիքդ, սկսիր քո՛ համայնքից» կարգախոսով, և իր գնահատմամբ՝ այս ընթացքում համայնքում իրականացվել են մի շարք ծրագրեր։
«Որոշում եմ կայացրել վերցնել ՀՀ ԱԺ պատգամավորի մանդատը և ստիպված եմ վաղաժամկետ դադարեցնել Վեդի համայնքի ավագանու՝ հետևապես համայնքի ղեկավարի իմ լիազորությունները», -գրել է Գարիկ Սարգսյանը։
Նա վստահեցրել է, որ Վեդին շարունակելու է զարգանալ, և կոչ է արել իր ընտրողներին ու համակիրներին աջակցել իր թիմին, որը, ըստ նրա, շարունակելու է իրականացնել սկսած ծրագրերը։
«Պատգամավորական մանդատը ծառայելու է բացառապես ի շահ Հայաստանի Հանրապետության», - նշել է Սարգսյանը։
Գարիկ Սարգսյանը Վեդի համայնքի ղեկավարի պաշտոնը զբաղեցնում էր 2021 թվականից։
ՈՒՂԻՂ ԵԹԵՐ
Ամենադիտված 
Պաշտոնանկություն՝ Նիկոլ Փաշինյանի որոշմամբ
