«Առավոտ». «Բագրատյանն ընդամենը ասելիք ունի, բայց չի պայքարում»
Հայկական Մամուլ
Քաղաքագետների միության նախագահ Հմայակ Հովհաննիսյանի գնահատմամբ՝ նախագահի թեկնածուներն ավելի շատ մեկը մյուսին քննադատելով են զբաղված, քան՝ պայքարելով:
«Հրանտ Բագրատյանը լավ տնտեսագետ է, ասելիք ունի, բայց դա ընդամենը ասելիք է, պայքար չէ, որովհետև պայքարը պետք է նպատակաուղղված լինի արդյունքին հասնելու: Բայց որքան էլ թեկնածուներն ասեն՝ ունենք հնարավորություն 2-րդ փուլի հասնելու համար, տեսնում ենք, որ ավելի շատ մեկը մյուսի ուղղությամբ են նետեր ուղղում և ոչ թե բոլորով միասին խփում են մեկ նետին: Պարզից էլ պարզ է, որ բոլորն էլ պայքարում են 2-րդ տեղի համար»,- Aravot.am-ին ասաց քաղաքագետը:
Պարոն Հովհաննիսյանը նաև ասաց, որ Բագրատյանը չի դիմացել ընդդիմադիր դաշտում առաջնորդի դերակատարությունը ստանձնելու գայթակղությանը և օգտագործել է այս ընտրությունների պատեհությունը:
Նա նաև դժգոհեց, որ նախագահի 3 թեկնածուների՝ Րաֆֆի Հովհաննիսյանի, Հրանտ Բագրատյանի ու Պարույր Հայրիկյանի համատեղ հայտարարությունը միասնական շտաբի՝ Սահմանադրական դատարանին ուղղված հայցադիմումի կրկնությունն է եղել. «Բայց հարց է առաջանում՝ իրենք ինչո՞ւ խորհրդարանական ընտրություններից հետո տեր չկանգնեցին մեր հայտարարությանը, որը մերժվեց Սահմանադրական դատարանի կողմից, ձևական հայտարարություն արեցի՞ն»:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
