ԱՄՆ սենատորի հետ սեքս-սկանդալում է հայտնվել ուկրաինուհի Սվետլանան

Սենատոր Բոբ Մենենդեսի ընկերուհիների թվին է պատկանում նաև ուկրաինուհի Սվետլանա Բուչիկը: Այս մասին հաղորդում է The Miami Gerald թերթը:

«Այդ աղջիկն ակտիվորեն մասնակցել է սենատորի և նրա հովանավոր բժշկի՝ Սոլոմոն Մելջենի երեկույթներին: Նա նրանց հետ եղել է ինքնաթիռում, մոտորանավակում, ինչպես նաև եղել է Մեջլենի տանը»,- գրում է պարբերականը:
Թերթի թղթակցի հետ հեռախոսազրույցի ժամանակ աղջիկը խոստովանել է, որ «համագործակցել է» սենատորի հետ, սակայն «նա հիանալի մարդ է: Նա միշտ իր ընտանիքի հետ է եղել: Ինձ շատ լավ է վերաբերվել: Նա շատ առատաձեռն է, երբեք չի ափսոսացել փողերը ծախսելիս»,- ասել է Սվետլանան:

Flickr կայքում տեղադրված Սվետլանայի լուսանկարը ևս աղմուկ բարձրացրեց: Լուսանկարն արված էր մասնավոր ինքնաթիռի ֆոնին, որը շատ նման էր Մելջենին պատկանող ինքնաթիռին: Իսկ նախորդ տարի նոյեմբերին լուրեր տարածվեցին, որ Մենենդեսը օգտվում է Մելջենի ինքնաթիռից՝ Դոմինիկյան Հանրապետություն մեկնելու և մարմնավաճառների հետ հանդիպելու համար: Դրա հետ կապված՝ ոստիկանությունը խուզարկեց Ֆլորիդայում գտնվող բժշկի գրասենյակը: Իսկ սենատի էթիկայի հանձնաժողովը սկսեց սեփական հետաքննությունը:Այս մասին գրում է 1in.am-ը:

Բուչիկի կապը Մենենդեսի և Մեջլենի հետ շարունակվել է ևս մի քանի տարի: Այսպես, ըստ 2009թ. փաստաթղթերի՝ Բուչիկը Իսպանիայում է եղել և իր համար ծանրոց է ուղարկել ԱՄՆ, որի վրա նշված հասցեն համընկել է Ֆլորիդայում Մեջլենի հիվանդանոցի հասցեի հետ:

Բուչիկն այժմ ապրում է Նյու Յորքում, որտեղ աշխատում է որպես մոդել և դերասանուհի: