«Ժողովուրդ». ԵվրԱզէՍ մտնելու առաջարկն ի սկզբանե եղել է ոչ թե Ռուսաստանի կողմից, այլ հենց Հայաստանի

«Միաբանություն» հայկական ազգային ակումբի նախագահ, կրեմլյան փորձագետ Սմբատ Կարախանյանը «Ժողովուրդ»-ի հետ զրույցում հայտարարեց. «ԵվրԱզէՍ մտնելու առաջարկն ի սկզբանե եղել է ոչ թե Ռուսաստանի կողմից, այլ հենց Հայաստանի: Երբ դեռ նոր պետք է ձևավորվեր կառույցը, Հայաստանի ներկայացուցիչներն են ասել՝ մենք գանք, մենք մասնակցենք: Իսկ հիմա Տիգրան Սարգսյանն ասում է, թե գիտեք, մենք չենք կարող անդամակցել անգամ Մաքսային միությանը, քանի որ մաքսային հարկերը շատ բարձր են, քան Հայաստանում: Այդպես ասելուց առաջ պարոն Սարգսյանը պետք է հասկանար, որ Հայաստանում գոյություն ունի ահռելի ստվերային տնտեսություն, և մեր հաշվարկներով՝ ահռելի քանակի ապրանքաշրջանառություն և ֆինանսական շրջանառություն, որոնք ընդհանրապես կողքից են գնում զուգահեռ մաքսային հարկումներին»:
Ասել է թե՝ եթե ստվերից դուրս գան, մաքսավճարներն այլևս բարձր չեն թվա: