Վրաստանի ՆԳՆ-ն հերքել է մեկ օրում 20 հազար ռուսաստանցու երկիր մուտք գործելու մասին տեղեկությունը

Վրաստանի ներքին գործերի նախարարությունը հերքել է լրատվամիջոցներում և սոցիալական ցանցերում տարածված տեղեկությունը, թե վերջին 24 ժամվա ընթացքում «Լարս» անցակետով երկիր է մուտք գործել Ռուսաստանի 20 հազար քաղաքացի։

Գերատեսչության տվյալներով՝ վերջին մեկ օրվա ընթացքում «Լարս» անցակետով Վրաստանի սահմանը հատել է ընդհանուր առմամբ 7,88 հազար մարդ՝ տարբեր երկրների քաղաքացիներ։ ՆԳՆ-ն ընդգծել է, որ այս թիվը վերաբերում է ոչ միայն Ռուսաստանի քաղաքացիներին։

Վրաստանի ՆԳՆ-ն 20 հազար ռուսաստանցու մասին տարածված տեղեկությունն անվանել է իրականությանը չհամապատասխանող և կոչ արել չտարածել չստուգված տվյալներ։