ԵԱՀԿ նախագահը կոչ է արել Հայաստանին և Ադրբեջանին խաղաղություն հաստատել տարածաշրջանում
Հայաստան
ԵԱՀԿ գործող նախագահ, Ուկրաինայի ԱԳ նախարար Լեոնիդ Կոժարան հանդիպում է ունեցել Մինսկի խմբի համանախագահների, ՌԴ ներկայացուցիչ Իգոր Պապովի, Ֆրանսիայի ներկայացուցիչ Ժակ Ֆորի, Միացյալ Նահանգների ներկայացուցիչ Յան Քելլի և գործող նախագահի անձնական ներկայացուցիչ Անժեյ Կասպերշիկի հետ՝ քննարկելու Լեռնային Ղարաբաղի հակամարտության կարգավորման հարցերը:
Ինչպես նշված է ԵԱՀԿ պաշտոնական էջում, բանակցությունների կենտրոնում եղել է Փարիզում անցած շաբաթ Հայաստանի և Ադրբեջանի ԱԳ նախարարների հետ հանդիպումը, որի ընթացքում նրանք քննարկել են անցած տարվա վերջին կողմերին ներկայացված՝ Լեռնային Ղարաբաղի հակամարտության խաղաղ կարգավորման առաջարկությունը և հնարավոր վստահություն ստեղծելու տեսանկյունները:
ԵԱՀԿ նախագահը ողջունել է Մինսկի խմբի համանախագահների` զինադադարը ամրապնդելու և Լեռնային Ղարաբաղի խաղաղ կարգավորմանը հասնելու համար կողմերին օժանդակելու ջանքերը:
«ԵԱՀԿ Ուկրաինայի նախագահության գերակայություններից մեկն այն է, որ հնարավորինս աշխատել կողմերի հետ այս գործընթացի առաջխաղացման համար, և ես կոչ եմ անում կողմերին վճռականություն և քաղաքական կամք հանդես բերել, որն անհրաժեշտ է վերջապես այդ տարածաշրջանում խաղաղություն հաստատելու համար»,-ասել է Կոժարան:
ՈՒՂԻՂ ԵԹԵՐ
Ամենադիտված 
«Երջանկություն նորապսակներին»․ Աննա Մանուչարյանի «հարսանեկան» հրապարակումը՝ Վաչե Ամարյանի հետ 
