«168 ժամ». 7 ժամ ԱԺ-ի մոտ սպասեցնելուց հետո ԱԺ նախագահը 40.000 դրամ է փոխանցել աղքատ տիկնոջն ու 10-ամյա փոքրիկին

10-ամյա Ավետիսը մայրիկի՝ Շարմաղի հետ իրենց սոցիալական ծանր վիճակի մասին պատմող Աժ նախագահ Հովիկ Աբրահամյանին ուղղված նամակը փորձել են հանձնել Ազգային ժողովի նամակների բաժին: Խորհրդարանի դարպասների մոտ, սակայն, պատահաբար հանդիպելով Հ. Աբրահամյանին նրան են հանձնել: Տղայի մայրն իր դիմում-նամակի մեջ պատմել էր, որ Ավետիսը շոր ու կոշիկ չունենալու պատճառով արդեն երեք ամիս դպրոց չի գնում: Գրել էր, որ գործազուրկ են, հիվանդ են, հացի փող չունեն, ու նաև գրել էր, որ, թեև ծայրահեղ աղքատ են, սակայն իրենց զրկել են սոցիալական նպաստից:

Աժ նախագահը, վերցնելով նամակը, տիկնոջն ասել է. «Տիկին, էս անգամ կօգնենք, բայց խորհուրդ կտամ՝ էլ չերևաք Աժ դարպասների մոտ»:

«Հետո մեզ ուղարկեց էն մուտքի մոտ, որտեղ քաղաքացիներն են, ու սպասեցինք, սպասեցինք... Երեխեն նենց էր փետացել, սոված-ծարավ»,- «168 ժամի» թղթակցին պատմել է տիկին Շարմաղը: Առավոտյան ժամը 10:00-ից մինչև 17:00-ը կնոջը 10-ամյա տղայի հետ սպասեցնելուց հետո եկել է հաշվապահը և 40.000 դրամ ֆինանսական օգնություն հատկացրել: Ուրիշից կոշիկ փոխ առած և Աժ շենքի մոտ մոր հետ հասած երեխան մի կերպ «տուն» է հասնում: