«Արցախ` ի՛մ սեր, ի՛մ հպարտություն»

Փետրվարի 18-ին լրանում է Ղարաբաղյան շարժման, իսկ փետրվարի 28-ին' Սումգայիթի ջարդերի 25 տարին: Այդ կապակցությամբ ՀՀ կրթության և գիտութայն նախարար Արմեն Աշոտյանը գրություն է ուղարկել ՀՀ մարզպետներին և Երևանի քաղաքապետին՝ առաջարկելով դպրոցների 9-12-րդ դասարանների աշակերտների համար կազմակերպել բաց դասեր, հուշ-երեկոներ, դասախոսություններ' նվիրված հայոց նորագույն պատմության ընթացքում տեղի ունեցած ազատագրական շարժմանը, ազգային ինքնագիտակցության զարթոնքին, Սումգայիթի ջարդերի զոհերի հիշատակին:

Միաժամանակ, հայտարարվել է շարադրությունների մրցույթ' «Արցախ' ի՛մ սեր, ի՛մ հպարտություն» թեմայով, որին կարող են մասնակցել դպրոցների 9-12-րդ դասարանների աշակերտները: